1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

سيمه

د بېنظير بوتو د ترور د دوسيې څارنوال ووژل سو

دا لا تر اوسه پورې روښانه نه ده چې د جمعې په ورځ په اسلام آباد کې پر چودري ذولفقار، باندي چا ډزي وکړې. هغه څه چې روښانه دي دا دي چې پر موټرسایکلونو سپرو کسانو د هغه پر موټر باندې څو وارې ډزې وکړې.

Security officials inspect the damaged car, which prosecutor Chaudhry Zulfikar was travelling in, when he came under attack by unidentified gunmen, in Islamabad May 3, 2013. Zulfikar, the prosecutor investigating the 2007 assassination of former Pakistani Prime Minister Benazir Bhutto, one of the most shocking events in Pakistan's turbulent history, was shot dead on Friday, police sources said. Gunmen on a motorcycle pumped 12 bullets into Zulfikar as he left his home in Islamabad, the sources said. REUTERS/Mian Khursheed (PAKISTAN - Tags: POLITICS CIVIL UNREST CRIME LAW)

Pakistan Anschlag auf den Staatsanwalt Chaudhry Zulfikar 03.05.2013

اوس نو تر ټولو لویه پوښتنه دا ده چې ایا کیدای شي دغه څارنوال داسې معلوماتو ته لاسرسئ لاره چې په اخر کې د هغه د ژوند په بیه تمام شول.

ذولفقار د پاکستان په حکومت کې په یوه څیړنیز کمیسیون کې کار کاوه چې دنده یې په ۲۰۰۷ کال کې د بېنظیر بهټو د قتل څیړنه وه. د جمعې د ورځې په پېښه کې د ذولفقار په ګډون د هغه یو تن ساتونکی او یو لاروی هم وژل شوی دی.

د میرمن بهټو په قضیه کې د پاکستان پر پخواني مشر پرویز مشرف، باندې تور لگول کیږي چې د هغې يعني بوټو له پاره د کافي امنیتي تدابیرو په برابرولو کې پاته راغلی وو. میرمن بوټو په ۲۰۰۷ کال کې پاکستان ته په ټاکنو کې د گډون په موخه ستنه شوې وه خو هغه د یوه ټاکنیز کمپاین پر مهال د یوه ترهګر برید په پایله کې ووژل شوه.

چودرې ذولفقار څو ورځې مخکې ویلي ول چې داسې شواهد په لاس کې شته چې مشرف د بوټو د قتل په قضیه کې ښکیل دی.

ذولفقار په لاهور کي د تروريزم ضد محکمې په مخ کي له خبريالانو سره خبري کوي

ذولفقار په لاهور کي د تروريزم ضد محکمې په مخ کي له خبريالانو سره خبري کوي

ګرانې څیړنې

مشرف د مارچ په میاشت کې له تبعید څخه بیرته پاکستان ته ستون شو، چي د دې هیواد په پارلماني ټاکنو کې چې د می میاشتې پر ۱۱ نیټه تر سره کیږي ګډون وکړي. خو د هغه د نوماندۍ غوښتنلیکونه د پاکستان د ټاکنیزو حوزو له خوا رد شول او بیا وروسته یوې محکمې پریکړه وکړه چې نور مشرف نه شي کولای چې د پاکستان د سیاست ډګر ته داخل سي. اوس مشرف اسلام آباد ته نژدې په خپل کور کې نظر بند دی.

مشرف ټول هغه تورونه چې وایي دی د میرمن بوټو په وژنه کې ښکیل دي او یا یې هم د هغې د ساتنې له پاره کافي امنیتي تدابیر نه ول نیولي رد کړي دي. یو شمیر کسان خو ان د ذولفقار په وژنه کې هم مشرف ته ګوته نیسي خو د هغه وکیل ملک قمر افضل، له دویچه ویله سره په خبرو کې د ذولفقار د وژني په قضیه کې د مشرف د ښکیلتیا په اړه ان خبري کول بی معنی وبلل. هغه وویل:

«دا په بشپړه توګه غلطه خبره ده. داسي خبره اصلاً وجود نه لري. زه د دې کار له پاره هیڅ کوم دلیل نه وینم. دغه شان خبري کول ان بې معنی دي.»

ذولفقار چودري یوازي د بینظیر بوټو د وژنې د دوسیې په اړه څیړنې نه کولي. هغه دغه راز په ۲۰۰۸ کال کې پر ممبیی باندي شوي ترهګر بریدونه هم څیړل چې ویل کیږي ترهګرو شبکو له پاکستان څخه پلان کړي ول. په دغو ترهګرو بریدونو کې ۱۶۰ کسان وژل شوي ول.

پرته له ثبوته ګمانونه

د ستري محکمې د ویکیلانو د انجمن پخوانی مرستیال اکرام چاودري، وايي چې ښاغلی ذولفقار په وروستیو کې د تاوتریخوالي یوازینی قربانی نه دی. هغه زیاتوي چې تر دې مخکې هم دوه نور وکیلان برمته شوي ول او ورسره ناوړه چلند شوی وو. چاودري زیاتوي: «زه فکر کوم چې دغه پېښي له یو بل سره تړلي دي او ځینې لوړپوړي امنیتي چارواکي پکښي ښکیل دي. دغه کسان غواړي وښيي چې هغوی د هر چا مخه نیولای شي، په خاصه توګه د څارنوالانو د انجمن.»

دې څارنوال زیاته کړه چې د ښاغلي ذولفقار وژنه کیدای شي چې د دغه شان کسانو له خوا پاکستاني قاضیانو او رسنیو ته یو اخطار وي. خو هغه ټینګار وکړ چې دغه شان کوښښونه به کامیابه نه شي، ځکه د چاودري په خبره د پاکستان څارنوالان او قاضیانو خپلو دندو ته ژمن دي.