1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

د بګرام زندان تش په نامه افغانانو ته سپارل سوی دی

د پروان د بګرام د زندان څخه راخلاص سوي خوستي بندیان وایی چي تش په نامه د زندان واک افغانانو ته سپارل سوی او هغه دوسیې چي د څیړلو په منظورافغاني مستنطقينو ته سپارل کیږي ، د عملی کیدو صلاحيت یې نلري

default

د بګرام د محبس څخه راخلاص سوي خوستي بندیان

دوی وایی په زندان کې د بندیانو سره د مسولینو چلند ښه دی، خو دا چي دوسیې یې د افغاني څیړونکو لخوا څیړل سوي او نه ايله کیږي د خوابدی خبره ده .

بندیان وایي اکثراً داسې سوي چی بندي ته تر تحقیقاتو وروسته د افغاني چارواکو لخوا د خلاصون امر ورکول سوی دی خو د خارجيانو لخوا ورته اجازه نده ورکول سوې، نو په میاشتومياشتو نورهم په محبس کي پاته کيږي .

دوی غواړي چي افغان چارواکو ته دي په رښتينی ډول د مسولیت ترڅنګ ټول اختيارات هم وروسپارل ﺉي .

دغه څرګند ونې هغه 11 تنو خوستيو بندیانو وکړې چي تیره ورځ دپروان د زندانه راخلاص اود خپلو کورنیو سره یو ځای شول .


په سیمه کې د چارو شنونکی هم دغه کار ته د شک په سترګه ګوري او وایي که دغه کار په رښتیا سره روان وي نو د ولس بارو به نورهم پر افغان دولت کم سي .

Entlassene afghanische Gefangene aus dem Gefängnis in Bagram

ايله سوي بنديان

د بګرام د زندان څخه راايله سوی بندي نصرالله خان چې د دوی د خلاصون په اړه جوړي سوي غونډي ته خبري کولې، په محبس کې د مسولینو د چلند څخه خوښ ؤ .

خو ده شکایت کاوه چې افغانانو ته تش په نامه د زاندان مسولیت سپارل سوی او واکونه نلري.

یو بل تن خوست میشتی بندي هم ورته خبره کوله او ویل يې،افغانانو ته د زندان د واک سپارل د نړیړالو په سترګو کې خاروي اچول دي .

ده اضافه کړه اوس هم د بګرام په زندان کي واک او مسولیت د خارجیانو په لاس کې دی او افغانان هیڅ اختیارات نلري .

ددغه ادعاوو د پوره ځواب پيداکولو په منظور مود افغانستان د محبسو د مسؤل ډګر جنرال امیر محمد جمشید نظرهم وپوښتی ، خو نوموړي پدې اړه دومره وویل چې دغه موضوع په دفاع وزارت پوري اړه لري .

دااوله پلا نده چي د بګرام د زندان څخه راايله سوی بندیان شکایتونه کوي . پخوا هم دیته ورته ادعاوې او شکایتونه موجود وه ، خو تراوسه ورباندې غور ندی سوی .

فريدالله ظاهر

کتونکی : محمد قاسم نوري