1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

د بلعید د جنازې په مراسمو کې په زرهاو تنو گډون وکړ

تونس چې «عربي پسرلی» ورڅخه پیل شو اوس د انقلاب تر بریالیتوب څخه دوه کاله وروسته له ناکراریو سره لاس او گریوان دی. د اپوزیسیون د یوه سیاستوال وژنې لاریون کوونکي یو ځل بیا سړکونو ته راایستلي دي.

Tunisian protestors chant slogans behind barbed wire as security forces keep watch outside the Interior Ministry in Tunis, on February 7, 2013 during a demonstration against the killing of opposition figure and human rights lawyer Chokri Belaid. Police was deployed in force in the Tunisian capital amid fears the murder of the 48-year-old opposition figure could reignite nationwide violence, as the ruling Islamists broke ranks over how to defuse the crisis. AFP PHOTO / KHALIL (Photo credit should read KHALIL/AFP/Getty Images)

Tunesien Ermordung Oppositioneller Chokri Belaid Proteste

په تونس کې د اپوزیسیون د یوه وژل شوي مشر شکري بلعید، د جنازې په مراسمو کې د گډون له پاره په زرگونو کسان راټول شوي. د تونس پلازمینه د بلعید د ترور وروسته په یوه ناکراره ښار بدل شوی دی.

د تونس په پلازمینه کې د جمعې په ورځ د کلتوري مرکز مخې ته شاوخوا ۳۰۰۰ تنه راټول شوي ول چیرې د ښخولو تر مراسمو مخکې د بلعید جسد وړل شوی وو.

یو شمیر کسانو چې د بلعید انځورونه یې له ځانه سره لیږدول، شعارونه ورکول «بلعید خدای دې پر تا ورحمیږي، موږ به خپلو هلو ځلو ته ادامه ورکړو» یو شمیر کسانو د اسلامپاله واکمن گوند النهضه د مشر رشید غونشي، پر ضد شعارونه ورکول. پر غونشي د بلعید په ترور کې د لاس لرلو تورونه لگول کیږي.

پوځ د حبیب بورقیبه په عمومې جاده کې زرې موټرې او سرتیري ځای پر ځای کړي دي. له دغه ځایه دوه کاله مخکې انقلاب پیل شوی وو او په پایله کې یې د ولسمشر زین العابدین بن علي حکومت رانسکور شوی وو.

عمومي اعتصاب

د تونس د کارگرو عمومي اتحاد (UGTT) او د اپوزیسیون څلورو گوندونو د بلعید د جنازې د مراسمو پر وخت د اعتصاب له پاره غږ کړی دی. خو دا لا تر اوسه څرگنده نه ده چې څومره کسان به په اعتصاب لاس پورې کړي. د کارگرو عمومي اتحادیه شاوخوا ۵۰۰۰۰۰ غړي لري.

هغه سړکونه چې ورباندې ډیری دوکانونه او فابریکې پرتې دي، د دغه اعتصاب په غبرگون کې تړل شوي دي. پر دې سربیره د تونس نړیوال هوایي ډگر تړل شوی او د هوایي ډگر چارواکو ویلي دي چې پلازمینې ته راتلونکي او تلونکې ټول پروازونه لغوه شوي دي.

د بلعید د وژنې له امله غوسه

بلعید چې د کیڼ اړخو د مشهور ائتلافي جبهې همغږي کوونکی وو، د نامعلومه وسلوالو له لوري د خپل کور په مخه کې وژل شوی دی. هغه په نزدې وختونو کې د حکومت له سختو منتقیدینو څخه شمیرل کیده.

د بلعید کورنۍ په النهضه باندې د هغه د وژنې تور پورې کوي خو دغه گوند بیا د هغه په وژنه کې لاس لرل ردوي. په تیرو دوو ورځو کې یو شمیر اعتراض کوونکو د تونس په پلازمینه او یو شمیر نورو ښارونو کې د النهضه گوند پر دفترونو باندې بریدونه کړي دي. د چهارشنبې په ورځ په لاریونونو کې یو تن پولیس هم وژل شوی وو.