1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

د بشارلاسد ځواکونو په ادليب ننوتل

د سوريې د زورواک ولسمشر بشارالاسد ځواکونه د هيواد په شمال لوېديځ کي د ادليب ښار ته ننوتلي دي. نوموړی ښار د حکومتي ځواکونو له خوا د څو ورځو راهيسي محاصره وو او ورباندي د ټانکونو او توپونو بمباري روانه وه.

د راپورونو له مخي يوازي د شنبې په ورځ په دغه ښار کي ۴۶ انسانان وژل سوي دي. سوريې ته د ملگرو ملتونو او عرب ليگ ځانگړی استازی کوفي عنان به د يکشنبې په ورځ هم د ولسمشر بشارلاسد سره وويني.

ددوی دواړو د شنبې د ورځي په ليدنه کښي بشارالاسد ويلي ول چي تر کومه وخته چي په سوريه کي ترهگر موجود وي سوله به را نه سي. د سوريې په کړکېچ کي تر اوسه پوري شاوخوا ۷۵۰۰ انسانان وژل سوي دي.