1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

د برازيل په نڅا کلب کي ۲۴۵ تنه وژل سوي دي

د برازيل په يوه نڅا کلب کي د اورلگېدني له امله نزدې ۲۴۵ کسان وژلي سوي دي او تر ۲۰۰ زيات ټپي سوي دي. د اورلگېدني عامل د موسيقۍ د يوې ډلي له خوا اوربازي ښوول سوې ده.

Firefighters try to put out a fire at a nightclub in Santa Maria, 550 Km from Porto Alegre, southern Brazil on January 27, 2012. The death toll climbed to 150 early Sunday as firefighters searched the charred remains of the establishment, television Globo reported. Brazilian President Dilma Rousseff interrupted her visit to Chile. AFP PHOTO / AGENCIA RBS / GERMANO RORATTO / BRAZIL OUT (Photo credit should read Germano Roratto/AFP/Getty Images)

Brasilien Santa Maria Brand Diskothek

د لومړيو څېړنو له مخي ويل کيږي، چي په سانتا ماريا ښار کي د يکشنبې د ورځي (۲۰۱۳ کال د جنورۍ ۲۷) د اورلگېدني عامل د موسيقۍ يوه ډله وه، چي د سندرو ويلو پر مهال ئې اوربازي کوله او د دغو بازيو په ترڅ کي د کلب چت اور واخيست.

ويل کیږي چي د دې پيښي ډيری قربانيان د سخت دود له کبله خفه سوي دي. د راپورونو له مخي دغه کلب چي نزدې ۲ زره کسان ځايولای سي، يوازي يوه د وتلو دروازه لري، چي هغه هم قلف وه.

ويديو وګورئ 01:10

د برازيل د اور وژني ادارې د معلوماتو له مخي په پيښه کي ډيری قربانيان د هله گوله پرمهال پر مځکه لوېدلي او تر پښو لاندي سوي دي.

دا تر اوسه پوري معلومه نه ده، چي د پيښي پرمهال څو تنه په دغه «نايټ کلب» کي ول.

د اور وژني مامورين تر څو ساعته هلو څلو وروسته د اور په وژلو توانېدلي او د پيښي د قربانيانو جسدونه ئې د پيژندني له پاره په دغه ښار کي د ورزش يوه سالون ته انتقال کړي دي.

د سانتا ماريا ښار چي نزدې ۲۶۴ زره نفوس لري د محصيلانو ښار ياديږي. په دغه کلب کي چي اور لگېدلی دئ، ويل کيږي د محصيلانو يو مېلمستون دئ.

د برازيل جمهور رئيسي ديلما روسف، چي په شيلي کي د لاتين امريکا او اروپايي ټولني د مشرانو په غونډي کي گډون کړی وو، د دغي پيښي د رامنځته کېدو له کبله ئې غونډه پرې ايښې ده او مخامخ سانتا ماريا ته رسېدلې ده.

د برازيل جمهور رئيسه مېرمن ديلما روسف د پيښي د قربانيانو د کورنيو د ليدني پرمهال.

د برازيل جمهور رئيسه مېرمن ديلما روسف د پيښي د قربانيانو د کورنيو د ليدني پرمهال.

مېرمن روسف، د پيښي ښار سانتا ماريا ته د سفر پرمهال ويلي دي، چي د قربانيانو له کورنيو او پاته کسانو سره به مرسته کوي او درې ورځي ئې ملي ماتم اعلان کړی دئ.

د آلمان لومړۍ وزير مېرمن انگيلا ميرکل په شيلي کي د برازيل له استازو سره غمشریکي کړې ده. د آلمان جمهور رئيس يوآخيم گاوک هم د پيښي په اړه د قربانيانو کورنيو ته تسليت ويلی «موږ د پيښي له قربانيانو او د هغوی له کورنيو او دوستانو سره په غم کي ځان شريک بولو.»