1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

د ايران په وړاندې د امريکا نوې ستراتيژي

د امريکې مشهور خبريال او د پوليڅر د جايزې وړونکي ښاغلي سيمور هېرش د متحده آيالاتو د حکومت نوي پلانونه راپه گوته کړي دي. په رسمي توگه د بوش دولت د اتومي لانجې په برخه کې سخت بنديزونه غواړي خو په غير رسمي توگه د ولسمشر بوش ستراتيژۍ بدلون موندلی دی.

داسې ښايي چې د »سپاه پاسداران« په نامه ايراني پوځونه او د هغوی روزنيز کمپونه به په نښه شي

داسې ښايي چې د »سپاه پاسداران« په نامه ايراني پوځونه او د هغوی روزنيز کمپونه به په نښه شي

داسې ښايي چې د ايران اتومي بټۍ نه بلکې د سپاه پاسداران په نامه ايراني پوځونه او د هغوی روزنيز کمپونه به په نښه شي. يو څو اونۍ مخکې د امريکې پوځونو د احتمالي هوايي بريدونو ستراتيژي د مرستيال ولسمشر ديک چيني په غوښتنه بدله کړې وه. پخوا ټاکل شوي وو چې پراخې بمبارۍ به وشي خو اوس ښايي چې د پاسدارانو په ځواکونو باندې به ځای ځای بريدونه وشي، هم په تهران او هم په نورو ښارونو کې. د ښاغلي هېرش د معلوماتو له مخې سپينه ماڼۍ په دې نظر ده چې ايران پنځه کالو ته ضرورت لري تر څو چې اتومي بم تر لاسه کړي.