1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

د انصارالدین ډله د امریکا په تور نوملړ کې شامله شوه

امریکا, انصار الدین یوه ترهګره ډله بللې او هغه یې په خپل تور نوملړ کې شامله کړې ده. دې ډلې تیر کال د مالي شمالي برخې تر خپل کنترول لاندې راوستې وي خو اوس د فرانسوي او افریقايي ځواکونو له خوا له دغو سیمو څخه شړل شوې ده.

Ansar Dine Islamist group leader Iyad Ag Ghaly waits on August 7, 2012 at Kidal airport in northern Mali for the Burkinabe foreign minister, who is leading the search for a way out of the 20-week-old emergency that has seen Islamists seize Mali's north. Ghaly, who wants to see Mali adopt sharia law, vowed on August 7 to support regional mediation efforts to resolve the political crisis in the ruptured west African nation. AFP PHOTO / ROMARIC OLLO HIEN (Photo credit should read ROMARIC OLLO HIEN/AFP/GettyImages)

Iyad Ag Ghaly

د امریکا متحده ایالاتو د بهرنیو چارو وزارت له دې اعلان سره چې د انصار الدین ډله په تور نوملړ کې شامله شوې ده، په متحده ایالاتو کې د دغې ډلې ټولې شتمنۍ کنګل شوي دي او پر ټولو امریکايي وګړو باندې بندیز لګول شوی دی چې نور له دې ډلې سره هیڅ ډول راکړه ورکړه و نه کړي. تر دې مخکې تیره میاشت واشنګټن د انصار الدین ډلې مشر اياد اغ غالي [په انځور کې ښول شوی کس]، یو ترهګر رهبر بللی وو.

غالي د ۲۰۱۱ کال په وروستیو میاشتو کې د انصار الدین ډلې بنسټ کیښود. د القاعدې المغرب شاخې د دغې ډلې ملاتړ کاوه. دغه ډله تیر کال په دې وتوانیده چې د مالي هیواد ډیرې شمالي برخې تر خپل کنترول لاندې راولي.

تر هغه وروسته بیا فرانسوي او افرایقايي ځواکونو له مالي سره مرسته وکړه او د دې ډلې پر ضد یې د مالي په شمال کې پوځي عملیات پیل کړل. په دغه وخت کې په مغرب کې د القاعدې شاخې د انصارالدین ملاتړ کاوه. د امریکا د بهرنیو چارو وزارت ویلي دي چې په مغرب کې د القاعدې شاخې له انصارالدین سره د اګولهوک، تیسالیت، کیدال، ګاو او تمبکتو ښارونو په نیولو کې مرسته کړې وه.

د امریکا د بهرنیو چارو وزارت د انصارالدین له خوا یو شمیر بریدونو ته په اشاره کولو سره زیاته کړې ده: «د ۲۰۱۳ کال په جنوري میاشت کې په مالي کې د فرانسې تر [پوځي] مداخلې مخکې د مالي هیواد هغه اوسیدونکي چې د انصارالدين ډلې تر کنترول لاندې ښارونو کې یې ژوند کاوه او د دې ډلې قوانین یې نه منل له ربړونې او وژنې سره مخامخ ول.»

د روان کال له پیل راهیسې شاوخوا ۴۰۰۰ فرانسوي ځواکونه په مالي کې د انصارالدین ډلې پر ضد په پوځي عملیاتو بوخت دي. دغه ډله اوس د مالي او الجزایرو تر منځ په غرنۍ سیمه کې د فرانسوي ځواکونو پر وړاندې مقاومت کوي.

په دوو برخو د انصارالدین ډلې احتمالي ویشل کیدل

د جنوري میاشتې په وروستیو ورځو کې د انصارالدین ډلې تر منځ د ویش امکان رامنځ ته شو. په داسې حال کې چې هغه وخت فرانسوي او افریقایي ځواکونه د انصارالدين ډلې پر ضد په جګړه بوخت ول، د دغې ډلې یو شمیر غړو اعلان وکړ چې د شخړې د سوله ییزې پای ته رسیدو پلویان دي.

هغه وخت د فرانسې RFI نومې راډیو خبر ورکړی وو چې د انصارالدین پخواني مشر الغباس اغ انتالا، د یوې نوې ډلې د جوړولو وړاندیز کړی وو چې په کې یوازې د مالي هیواد وګړو ګډون لاره. انتالا هغه وخت ویلي وو چې دغه ډله غواړي د خبرو له لارې خپلې شخړې حل کړي او د هر ډول ترهګري او افراطیت پر وړاندې مبارزه کوي.

له مالي څخه د آلمان ملاتړ

د روانې اوونۍ په پیل کې د آلمان د دفاع وزیر توماس دیمزیر، مالي ته سفر وکړ. پلان شوې ده چې آلماني سرتیري به په نزدې راتلونکې کې مالي ته ورسیږي او د دې هیواد د پوځ په روزنه کې مرسته وکړي. په دې ترڅ کې به ۳۳۰ آلمان سرتیري د مالي هیواد پوځیان وروځي. پر دې سربیره به آلمان له مالي سره خپلو لوجیستیکي مرستو ته هم دوام ورکړي.

دیمزیر مالي ته د خپل سفر پر مهال ویلي وو چې آلمان به د اړتیا تر وخت پورې له دې هیواد څخه خپل ملاتړ ته دوام ورکړي.