1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

د امنیت شورا په دمشق کې وروستي بریدونه په کلکه وغندل

د ملګرو ملتونو د امنیت شورا په سوریه کې وروستي بریدونه چې د جمهور رئیس بشارالاسد په مقابل کې د پاڅون راهیسې تر ټولو سخت بریدونه وو، په کلکه وغندل.

د ملګرو ملتونو د دغې شورا ۱۵ تنو غړو په یوې ګډې اعلامیې کې د دښمنو ډلو څخه یو وار بیا غوښتنه وکړه چې زورزیاتي ته خاتمه ورکړي او د کوفی عنان له خوا دې د سولې وړاندی سوی پلان عملي کړي.

په دمشق کې د پنجشنبې په ورځ په دوو جلا جلا چاودنو کې د رسمي معلوماتو له مخی لږ تر لږه ۵۵ تنه ووژل سول او په سلهاوو نور کسان زخمیان سول.د سوریې مشرتابه د دغو بریدونو پړه پرترهګرو ډلو وراچولې ده، خو د اپوزیسیون مشرانو دغه څه رد کړي دي.