1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

د امريکا متحده ايالتونه غواړی افغانستان ته زهريپوش موټر وليږی

واشنگتن: په افغانستان کې د ورځ په ورځ زياتيدونکو حملو له کبله امريکا غواړی د اته سوو په شاوخوا کې زهريپوش موټرونه ولیږي. دغه موټرو ته به ماينونه څه خرابوالی نشی رسولی. دغه خیره د امريکا د دفاع وزارت خپره کړی ده.

د امريکا يو نظامي زهريپوش موټر

د امريکا يو نظامي زهريپوش موټر

هر يو موټر د پنځه سوه زره تر يو مليون امريکايي ډالر پوری ارزښت لری او د MRAP موټرو په نامه ياديږي.

سږکال ورځ په ورځ په افغانستان کې د مخالفينو لخوا د ناتو په قواوو بريدونه مخ په زياتيدو دي. د امريکا متحده ايالتونه په دی فکر کې هم دی، چې د عسکري موټرو تر څنگ په زرگونو نور عسکر هم په همدی کال کې دافغانستان د جگړی د گټلو لپاره دغه هېواد ته واستوي.

د دموکرات گوند کانديد بارک اوباما

بارک اوباما

په امريکا کې د جمهوري رياست لپاره د دموکرات گوند کانديد بارک اوباما ويلی دی، چې که دی جمهور ريس شی، نو د افغانستان جگړه د ده لپاره د لومړنيو مهمو مسايلو څخه به وی. اوباما ويلی دی، چې دی به د عراق جگړه پای ته ورسوی او افغانستان ته به د طالبانو او القاعدی پر ضد لا نور امريکايي عسکر وليږی، تر څو دلته د ترور پر ضد جگړه بريالی شی.

اوباما په ناتو کې د غړيو هېوادونو څخه غوښتنه کړی ده، تر څو په افغانستان کې د خپلو عسکرو تعداد زيات او هم هلته لانورې مرستې وکړی.