1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

د امريکا د دفاع وزير کابل ته ورسېد

د امريکې د دفاعي چارو وزير رابرت گيتس د طالبانو د بلوا په سر د خبرو اترو دپاره افغانستان ته رسېدلی دی. گيتس د سه شنبې په ورځ لومړی په کابل کې د امريکې له سفير سره وکتل، ورپسې به دی د ناتو او امريکايي ځواکونو له استازو او افغان ولسمشر حامد کرزي سره هم وويني.

رابرت گيتس

رابرت گيتس

دا په لومړي ځل دی چې گيتس افغانستان ته سفر کوي. په بروکسل کې يې د ناتو په مرکز کې د افغانستان د وضعې په اړه اندېښنه ښکاره کړې وه. د ده په وينا »داسې نښې نښانې شته چې طالبان غواړي سږ کال خپلو بريدونو ته زور ورکړي« او د دې مخنيوی بايد وشي. گيتس په دې اړه وويل: »په افغانستان کې برياليتوب زموږ تر ټولو مهمه دنده ده.« گيتس زياته کړه چې سربېره پر دې بايد د هېواد د بيارغونې په برخه کې هم هلې ځلې زياتې شي.