1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

د المان نوی جمهور رئیس د لوړې مراسم پر ځای کوي

تر ټاکل کیدو پنځه ورځې وروسته د المان جمهور رئیس یواخیم گاوک، نن د خپلې دندې له پاره د وفادارۍ لوړه پر ځای کوي. د دغو مراسمو له کبله د المان پارلمان او د وکیلانو شورا د برلین د رایش تاګ په نامه ودانۍ کی سره یوځای کیږي.

ګاوک به د لوړې تر مراسمو وروسته د خپلې نوې دندې په اړه وینا ورکړي. د جمهور رئیس په توګه د ده لومړنۍ وینا ته ټول په انتظار باسي.

له گاوک څخه به د هغه تر وینا وروسته د بیلیفیو د ماڼۍ مخکې له پوځي مراسمو سره هرکلی وسي. گاوک د آلمان یوولسم جمهور رئیس دئ او د ۷۲ کلونو په درلودلو سره تر اوسه پوری د دغه هیواد په تاریخ کی تر ټولو زوړ جمهور رئیس دئ.