1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

د الجزاير په چاودونو کي د مړو شمېر پر ډېرېدو دی

د الجزاير پلازمېنه الجزيره د دوو چاودونو له کبله چي تقريباً په يوه وخت وسوې ولړزېده.

په الجزيره کي د ملګرو ملتونو د بشري حقونو د دفترمخ ته چاودنه وسوه

په الجزيره کي د ملګرو ملتونو د بشري حقونو د دفترمخ ته چاودنه وسوه

د اساسي قانون د محکمې مخ ته يو موټر وچاودېدی؛ څو شيبې وروسته د ملګرو ملتونو د بشر د حقوقو د پاره د کميساريت د څانګي مخ ته، چي د حيدريه په سيمه کي پرته ده يو بل موټر وچاودی. ويل کيږي، چي تر پنځوسو تنه ډير انسانان وژل سوي او نور ډير ټپيان سوي دي. د قربانيانو په ډله کي د ملګرو ملتونو کارکونکي هم سته، په ښارکي ټليفوني اړيکي قطع سوي دي.

په روان ميلادي کال کي، د الجزاير هغو ډلو چي د القاعدې د ترورستي شبکې سره نژدې اړيکي لري، څو واره په الجزاير کي يرغلونه کړي دي، د هغو په ډله کي په الجزاير کي د اپريل د مياشتي ځانمرګی بريد چي 33 تنه پکښي ووژل سول.