1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

د افغان امنيتي ځواک ۲۳ کسان وژل سوي دي

په کندهار کي ۷ تنه پوليس د خلپو ملگرو له خوا د خوب پر مهال وژل شوي دي. د دغه ولايت امنيتي چارواکي وايي، چي تورن کسان د خپلو انډيولانو تر وژلو وروسته تښتېدلي دي. (انځور آرشيف)

TO GO WITH Afghanistan-unrest-police-by Joris Fioriti In this photograph taken on December 18, 2012, Afghan Local Police (ALP) personnel jump from their vehicle as they train and practice retention techniques during a basic police training course in Goshta district of Nangarhar province.The Afghan Local Police, branded by some critics as an incompetent Taliban-linked militia, is one of the many security challenges facing the country as international troops withdraw. Only founded in 2010, the ALP is tasked with community-level policing to suppress violence in some of Afghanistan's most dangerous and remote areas, and despite its many opponents it has had some success. AFP PHOTO/SHAH Marai (Photo credit should read SHAH MARAI/AFP/Getty Images)

Afghanistan Lokale Polizei

د کندهار ولایت د پولیسو قوماند عبدالرازق، ویلي دي چي دغه پيښه د دغه ولايت په ارغستان ولسوالۍ کي رامنځ ته شوې ده او په خبره ئې دغه دوه تنه پولیس څو میاشتي د مخه له طالبانو څخه جلا شوي ول، خو په دې وروستیو کې بیرته له هغوی سره یو ځای شوي ول.

رازق د رویترز خبري آژانس ته ویلي دي: «تر هغه وروسته چې پوليس ویده شوي ول، دغو دواړو کسانو پر هغوی باندي فيرونه کړي دي او خپل اووه تنه ملگري یې وژلي دي.»

رازق وویل چې اوس د دغو دوو کسانو د موندلو عملیات روان دي. د کندهار د پولیسو قوماندان ویلي دي چې ډیر احتمال کیږي چې دغه دوه کسان بیرته له طالبانو سره یوځای شوي وي.

له خوا د طالبانو یوه ویاند رسنیو ته په یوه لیکلي تیلیفوني پیغام کې ادعا کړې ده چې د طالبانو د ډلې یوه غړي د یوه قوماندان په گډون ۱۲ تنه پولیسو وژلي دي. قاري یوسف احمدي دغه راز ادعا کړې ده چې دغه طالب جنگیالي د پولیسو یو موټر، ځیني وسلې او مهمات هم طالبانو ته رسولي دي.

طالبان ډیر وخت په خپلو بریدونو کې د وژل شویو کسانو شمیر لوړ ښيي. دغي ډلې د خپلو پسرلينو عملياتو د پيلېدو له اعلانولو سره سم ويلي ول چي افغان امنيتي ځواکونه او ديپلوماتيکي سيمي به ئې د يرغلونو هدفونه وي.

دا پېښه په داسې حال کې رامنځ ته کیږي چي د دغه هيواد په بېلابېلو سیمو کي د ۲۴ ساعتونو په جريان کي د امنيتي ځواک ۱۶تنه نور کسان هم وژل شوي دي.

د افغانستان د دفاع وزارت د راپور له مخي په یوه بله پېښې کې په کندهار ولایت کې د سړک د غاړې یوه ماین درې تنه پولیسو هم وژلي دي. له بلې خوا په پروان ولایت کې د یوې مخابراتي کمپنۍ د رئیس څلور تنه ساتونکې هم د یوه ماین د چاودنې په پېښه کي وژل شوي دي.