1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

د افغانستان پولي ته نږدې په قبايلي سيمو کې ١٥ کسان وژل شوي

ديره اسمعيل خان: د AP آژانس د يوه رپوټ له قوله، د افغانستان پولي ته نږدې په قبايلي سيموکې، د امريکايي ځواکونو په گډون يوې نظامي حملې کې لږترلږه ١٥ تنه وژل شوي او گڼ شمېر نور ټپي شويدي.

د يوی حملې نه وروسته خلک د خپلو مړيو جنازه اخلي

د يوی حملې نه وروسته خلک د خپلو مړيو جنازه اخلي

د ټپيانو په ډله کې ښځې او ماشومان هم شامل دي. دا خبر رسمي سرچينو او سيمه ايزو عيني شاهدانو ورکړی دئ. په افغانستان کې د امريکې تر قومانده لاندې بهرني ځواکونه وايي چې دوی له دې پېښې څخه نه دي خبر.

د پاکستان پوځي وياند جگړن مراد خان څرگنده کړې، چې د دوی په اند دا ١٥ تنه سهار وختي د جنوبي وزيرستان د انگور اډې په کلي کې له منځه وړل شوي. خان وړاندې معلومات نه دي ورکړي او زياته کړې يې ده، چې پوځ د دې پېښې په څېړنه لگيا دئ.

د امريکا لخوا په پاکستان کې د يوه کلی بمباری

د امريکا لخوا په پاکستان کې د يوه کلی بمباری

يوه سيمه ايز شاهد حبيب خان وزير په ډاگه کړې، چې مرگ ژوبله د موسی نيکه په کلي کې شوېده او ده پخپله د څرخي الوتکو غږ او وروسته د وسلو ډزې آورېدلې دي.

له افغانستان څخه رپوټ ورکړل شوی، چې حمله نړيوالو ځواکونو کړېده او زياتوي، چې څلورو څرخي الوتکو د افغانستان له پولې نه اخوا دا عمليات سر ته رسولي.

د وزيرستان يوه ځايي مامور بيا ويلي دي، د ناتو څرخي الوتکو د جلال خېلو په کلي کې عسکر راکوز کړل او له يرغل وروسته يې بېرته يووړل. دا حمله همدا نن د چهارشنبې په سهار شوې.