1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

د افغانستان په اړه د بښنې د نړيوال سازمان رپوټ

په افغانستان کې ښکېلې ټولې غاړې د نړيوالو ځواکونو په شمول د بښنې د نړيوال سازمان امنستي انترنيشنل په وينا د بشر له حقوقو څخه «ناوړه سرغړونه» کوي. دغه څرگندونې د نوموړي سازمان په کلني رپوټ کې راغلې دي.

default

د طالبانو بغاوت په کال کې د زر تنه ملکي وگړو د مړينې سبب کرځېدلی دی. نه د افغانستان حکومت او نه نړيوال ځواکونه په دې بريالي شوي دي چې امنيت او د قانون حاکميت راولي او ټينگ کړي. د روان تاوتريخوالي له امله په زرگونه تنه اړ دي چې له خپلو کورونو څخه وتښتي او د غريبۍ نه نيولې تر لوږې او د څښلو د اوبو له کمي سره مخامخ دي. امنيستي انترنيشنل زياتوي چې د هېواد په جنوب او جنوب ختيځ کې ځينې وخت بمبارۍ شوي دي چې د خپلو هدفونو په پرتله نا انډوله وو.