1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

د افغانستان د ملي راډيو تلويزون رئيس استعفا ورکړه

نجيب روشن، پنځه لس مياشتې وروسته له دې چې د افغانستان د ملي راډيو تلويزون د رئيس په توگه مقرر شي، استعفا ورکړه. افغان ولسمشر حامد کرزي تر اوسه پورې کوم غبرگون نه دی ښکاره کړی.

نجيب روشن او د افغانستان او آلمان د بهرنيو چارو وزيران د نويو ستوډيوگانو د افتتاح پر مهال

نجيب روشن او د افغانستان او آلمان د بهرنيو چارو وزيران د نويو ستوډيوگانو د افتتاح پر مهال

ښاغلی روشن وايي د افغانستان د اطلاعاتو او کلتور وزير سره د مخالفت له امله يې دغه گام پورته کړی دی. روشن زياته کړه چې غوښتل يې د افغانستان د ملي راډيو تلويزون په شبکه کې اصلاحات راولي او هغه د عامه خدماتو يوه رسنۍ وگرځوي. دا په داسې حال کې ده چې د افغانستان د دغو دواړو لوړپوړو سياستوالو تر منځ لانجه يو څو اونۍ وړاندې راپورته شوې وه.