1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

د افغانستان د جگړې په اړه بدبيني

د امريکا متحده ايالاتو استخباراتو په يوه راپور کي ويلي دي، چي په افغانستان کې طالبان یوازې «له ځینو سیمو» څخه پر شا کړای شوي دي.

U.S. Army soldiers with Charlie Company, 36th Infantry Regiment, 1st Armored Division walk past a puddle at Command Outpost Pa'in Kalay, in Maiwand District, Kandahar Province, February 3, 2013. REUTERS/Andrew Burton (AFGHANISTAN - Tags: MILITARY CONFLICT)

Symbolbild Afghanistan USA Truppenabzug

د امريکا پوځ د طالبانو پر وړاندې پرمختګ او د افغان ځواکونو د روزلو په برخه کې تل مثبت نظر ورکړی دی، خو د متحده ایالاتو سنا ته د استخباراتو په وړاندې شوي کلني راپور کې په دې اړه ډیره خوشبیني نه ده ښکاره شوې.

استخباراتي سازمانو خبرداری ورکړی دی چې په راتلونکي کال کې له افغانستان څخه د ناټو ځواکونو تر وتلو وروسته به د لوېدیځ له خوا پر مرستو کموالی د افغانستان اقتصاد له رکود سره مخامخ کړي، په داسې حال کې چې افغان ځواکونو ته د امنیتي مسئولیت سپارلو له امله د جګړې پرمختګ ښایي له ازمایښت او نازکه حالت سره مخامخ شي.

په دغه راپور کې راغلي دي: «موږ په دې نظر یو چې د افغانستان په ځینو برخو کې د طالبانو په مشرۍ وسله وال مخالفت له منځه وړل شوی دی، خو بیا هم د بیرته منظم کیدو توان لري او د متحده ایالاتو او نړیوال اهدافو ته ګواښ پیښولای شي.»

د متحده ایالاتو سنا ته دغه راپور د سه شنبې په ورځ «د ۲۰۱۳کال د مارچ میاشتې دولسمه» د امریکا د ملي استخباراتو د مشر جیمز کلېپر له لوري وړاندې شوی دی.

دغه رپوټ زیاتوي چې د طالبانو مشرتابه اوس هم د پولي بلې غاړې ته په پاکستان کې پټنځایونه لري «چې هغوی ته د خپل خوندیتوب د ویرې پرته د وسله وال مخالفت د ستراتیژیکې راهنمایې اجازه ورکوي.»

په نوموړي راپور کې زیاته شوې ده چې د امنیت په برخه کې پرمختګ په ځانګړې توګه په هغه ځایونو کې نازک دی چي په ۲۰۱۰کال کې د متحده ایالاتو زیات شمیر اضافي سرتیري ځای پر ځای شوي ول. دغه سیمې اوس افغان اردو او پولیسو ته د سپارلو په حال کي دي.

د متحده ایالاتو سنا ته وړاندې شوی دغه رپوټ وړاندې کاږي چې افغان ځواکونه په دې توانیدلي دي چې د حکومت تر کنترول لاندې سیمو کې د غټو ښارونو او سړکونو امنیت ټینګ کړي. خو د افغانستان هوایي ځواک چې د څرخۍ او کوچنیو الوتکو په واسطه د مجهز کیدو په هڅه کې دی یو څه پرمختګ کړی دی.

راپور د القاعدې ترهګرې شبکې په اړه وایي، چې د دغه ډلې نفوذ راکم شوی دی او یوازي تبلیغاتي پروپاګند کوي.

رپوټ زیاتوي، د افغانستان اقتصاد چې په تیرو کلونو کې یې په پرلپسې توګه وده کړې ده له افغانستان څخه د ناټو ځواکونو تر راوتلو وروسته یې د سستې ودې اټکل شوی دی.