د ازمون او ليوال وياړ غونډه | ځانگړي مطالب | DW | 15.02.2011
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

د ازمون او ليوال وياړ غونډه

په لغمان ولایت کې ددغه ولایت د فرهنګیانو او د دانش خپرندویه ټولني له خوا د پښتو ژبي د دوو لیکولانو او شاعرانو په ویاړ یوه غونډه او مشاعره ترسره سوې.

ليکوال او شاعر عبدالغفور ليوال او استاد لال پاچا ازمون

ليکوال او شاعر عبدالغفور ليوال او استاد لال پاچا ازمون

دانش خپرنډيي ټولني د استاد لال پاچا ازمون او عبدالغفور ليوال فرهنګي هڅي د يوې پراخي غونډي په ترځ کي وستايلې.

دغه غونډه چي په د افغانستان د بیلابیلو ولایتونو او د خیبر پښتون خوا په لسګونو فرهنګیانو ګډون کړی و د لغمان ادبي بهیرغړي عبدلمعید هاشمې مېلمنو ته د ښه راغلاست په ويلو پرانسته.

ورپسې د لغمان والي راغلو مېلمنو ته هرکلی او ښه راغلاست ووايه. بیا د پښتو ژبې پیاوړي لیکوال او څیړونکې استاد حبیب الله رفیع ته د خبرو بلنه ورکړل سوه.

استاد حبیب الله رفیع استاد ازمون او لیوال دواړه د پښتو ژبي هغه ځوان خدمتګاران یاد کړل چې په شخصي لګښت یې بیلابیل کتابونه او سیمینارونه جوړ کړي دي.

ددې ترڅنګ له شماله راغلي میلمه او د بلغ پوهنتون استاد برزین مهر ددې ترڅنګ چې دغه ډول غونډې ګټورې وبللې غوښتنه یې وکړه چي باید په فرهنګي غونډو کي د سالنګ هااخو خلکو ته هم د ګډون بلنه ورکړل شي‌.

ورپسې استاد محمد اصف صمیم او له کندهاره راغلي افغان لیکوال محمد یار هم د استاد ازمون او غفور لیوال په فرهنګي هلو ځلو خبرې وکړې او ددغه ډول غونډو هیواد شموله کیدل یې وغوښتل.

د غونډې بله برخه ازادې مشاعرې ته ځانګړې سوې وه چي په لسګونه شاعرانو پکښي خپل شعرونه ګډون والو ته واورل.

استاد لال پاچا ازمون د پښتو ژبي ځوان لیکوال او شاعر دی چې تر دې دمه یې په لسګونه بیلابیل کتابونه ټولني ته وړاندي کړي دي، استاد د کابل پوهنتون د ژبو او ادبیاتو د پوهنځی استاد او د ولسي ادب په راټولو کې لوی لاس لري.

استاد ازمون د کابل پوهنتون د ژبو او ادبیاتو د پوهنځي استاد دی او په ختیز ننګرهار کي یې په خپلو هڅو بیلابیلي فرهنګي غونډې جوړي کړي دي .

ددې ترڅنګ د افغانستان د سیمه ایزو مطالعاتو د دفتر مشر عبدالغفور لیوال یو له ځوانو شاعرانو او لیکوالانو څخه دی چي تراوسه یې د شعر او نثر په برخه کي بیلابیل ګټور اثار لیکلي او خپاره کړي دي.

شمعه احمدزۍ/ ننګرهار

کتونکی: نجيب الله زيارمل

اړوند مطالب