1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

د آلمان پخواني لومړي وزير شرودر د شتاينماير ننگه وکړه

د آلمان پخواني لومړي وزير کېرهارد شرودر د بهرنيو چارو د اوسني وزير فرانک والتر شتاينماير ننگه کړې ده. په شتاينماير باندې دا تور لگول کېږي چې دی د يو آلمان کې زېږېدلي ترکي تبعه له گوانتانامو څخه د خوشي کېدو د ځنډ لامل کرځېدلی و.

گېرهارد شرودر (کيڼ لاس) او شتاينماير (ښي لاس)

گېرهارد شرودر (کيڼ لاس) او شتاينماير (ښي لاس)

د گوانتانامو د پخواني بندي مراد کورناز کيس په شتاينماير باندې فشار راوستی دی. شتاينماير پخوا د لومړي وزير شرودر د دفتر رئيس و. د آلمان په حکومت باندې دا تور لگول کېږي چې د امريکايانو يو وړانديز چې کورناز دې په 2002 کې له بنده خلاص شي يې رد کړی و. شناينماير به د پارلمان د يو پلټونکي پلاوي مخې ته په مارچ مياشت کې خبرې وکړي. هغه په دې ټينگار کوي چې د کورناز د خوشې کېدو «رسمي وړانديز» ورته نه و شوی.