1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

د آلمان د دفاع وزير مالي ته سفر وکړ

د آلمان د دفاع وزير توماس دېميزير په لومړي ځل د مالي هيواد د روزنيز ماموريت د لېدو له پاره سينگال ته سفر کړی دی. آلماني ځواکونه په دغه هيواد کي د مالي د ماموريت له پاره مېشته دي.

Soldaten der deutschen Mali-Truppen unterhalten sich am 17.03.2013 auf dem Flughafen der senegalesischen Hauptstadt Dakar mit Verteidigungsminister Thomas de Maizière (l). Rechts der Verteidigungsminister des Senegal, Augustin Tine (eingestellt von gri)

Verteidigungsminister Thomas de Maizière mit Soldaten der deutschen Mali-Truppe

د آلمان د دفاع وزير، توماس دېميزير د دوشنبې په ورځ په لومړي ځل د لوېديځې افريقا و مالي هېواد ته سفر کوي. په پلازمېنه باماکو کې اول له موقتي ولسمشر، ديونکوندا تراورې سره خبرې اترې په نظر کې نيول شوې دي.

له غرمې وروسته دېميزير غواړي چې د کوليکورو ښار ته ولاړ شي چېري چې د آلمان اردو له راتلونکې مياشت وروسته د مالي د ځواکونو له پاره د اروپايي ټولنې په روزنيز ماموريت کې ګډون کوي.

د دغه ماموريت له پاره آلمان څه نا څه ۳۳۰ سرتېري ګومارلي دي. د کوليکورو په نوم کوچنی ښار د جګړو له سيمې څخه دباندي، له باماکو څخه تقريبا ۶۰ کيلومتره لېري پروت دی. د آلمان اردو به په تېره بيا د مالي اردو د استحکامي واحدونو په روزنه کې مرسته کوي. سربېره پر دې به هغه د درملنې يوه کېږدۍ هم جوړوي.

په مالي کې فرانسوي ځواکونه د کال له پيل راهيسې د افريقايي ځواکونو په ملاتړ تندلارو ياغيانو پر وړاندې جنګيږي. د آلمان اردو اوس لا د څلورو الوتکو په مټ اکمالاتي مرستې تر سره کوي.

د دې له پاره اوسمهال ۹۰ آلماني سرتېري په ګاونډي هېواد سينګال کې مېشته دي. په روزنيز ماموريت کې به د آلمان اردو څه نا څه ۸۰ سرتېري ګوماري.

د مالي ماموريت ښايي له ۱۵ مياشتو زيات وخت دوام وکړي

د سينګال په پلازمېنه ډکار کې دېمېزير د يکشنبې په ماښام اټکل وکړ چې د اروپايي ټولنې دغه ماموريت به د پلانونو خلاف زيات وخت دوام وکړي:

«سړی نه شي کولای چې د مالي ځواکونه له ۱۲ تر ۱۵ مياشتو کې داسې وروزي چې هغوی دي د خپل هېواد امنيتي چارې پر غاړه واخلي.» دغه خبره د مسيحي ديموکرات ګوند سياستوال د مالي ځواکونو د وضعيت په اړه وکړه، او زياته يې کړه چې سړی بايد صبر ولري.

په اوس وخت کې د آلمان اردو د تندلارو ياغيانو پر وړاندې په جګړه کې د لوېديځې افريقا او فرانسې ملاتړ کوي. دغه خبره وزير هم وکړه. ويې ويل چې په راتلونکي کې به ښايي د ملګرو ملتونو په چوکاټ کې ماموريت جوړ شي چې تر ۱۰۰۰۰ پورې سرتېري پکې په نظر کې نيول شوي دي.