1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

دیوید کمرون د سوریې د کړکیچ د حل له پاره خپل وړاندیز وکړ

د بریتانیا لومړي وزیر دیوید کامرون، په سوریې کې د جګړې د پای ته رسیدو او له دې هیواد څخه د بشار الاسد د وتلو په اړه بحثونه پیل کړي دي.

هغه د العربیه له تلویزیون سره په خبرو کې ویلي دي چې اسد کولای شي چې د ستعفأ کولو په صورت کې په تبعید کې او پرته له کومې جزا ژوند وکړي.

دا په داسې حال کې ده چې د سوریې له پاره د ملګرو ملتونو او عرب لیګ ځانګړي استازي لخضر ابراهیمي، د سوریې د پاشیدلو او په دې هیواد کې د جګړه مارانو د واک ته رسیدو د ګواښ د رامنځ ته کیدو په هکله اندیښنه څرګنده کړې ده. هغه د الحیات له عربي ورځپاڼې سره په مرکه کې ویلي دي چې د دې امکان شته چې سوریه په یوې نوې سومالیا باندې بدله شي.