1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

دیوید پیتریوس له خپلې دندې د شخصي لاملونو له کبله استعفأ وکړه‏

د متحده ایالاتو د استخبارتي ادارې (‏CIA‏) مشر جنرال دیوید پیتریوس، د جمعې په ورځ ‏خپله استعفأ اعلان کړه. هغه ویلي دي چې له واده څخه د یوې «بهرنۍ اړیکې» په خاطر له خپلې دندې ‏ګوښه شوی دی.‏

CIA Director David Petraeus, testifies before the US Senate Intelligence Committee during a full committee hearing on 'World Wide Threats.' on January 31, 2012 on Capitol Hill in Washington, DC. Witnesses include: Director of National Intelligence, James Clapper, FBI Director Robert Mueller(L); Defense Intelligence Agency Director Lt. Gen. Ronald Burgess; National Counter terrorism Center Director Matthew Olsen; Assistant Secretary of State for Intelligence and Research Philip Goldberg; and Homeland Security Undersecretary for Intelligence and Analysis Caryn Wagner. AFP PHOTO/Karen BLEIER (Photo credit should read KAREN BLEIER/AFP/Getty Images)

CIA Direktor General David Petraeus

جنرال دیوید پیتریوس د جمعې په ورځ په ناڅاپي ډول خپله استعفأ اعلان کړه. د امریکا د ‏استخباراتي ادارې په حواله پیتریوس ویلي دي چې د یوې «بهرنۍ اړیکې» له کبله یې ‏خپله دنده پرې ایښې ده.‏

جنرال پیتریوس په یوه بیانیه کې ویلي دي: «۳۷ کاله کیږي چې ما واده کړی دی خو بیا ‏هم ما د یوې [نامشروع] بهرنۍ اړیکې په ټینګولو سره ډیر غلط قضاوت وکړ.» په بیانیه کې زیاته ‏شوې ده: «دغه شان چلن نه د یوه میړه په توګه او نه هم زموږ په شان [‏CIA‏] د یوه ‏سازمان د مشر په توګه د منلو وړ دی.»‏

بارک اوباما چې تازه د دویم ځل له پاره د متحده ایالاتو د ولسمشر په توګه ګومارل شوی ‏دی د پیتریوس استعفأ لیک یې د پنجشنبې په ورځ تر لاسه کړی وو. هغه د پیتریوس د کار ‏ستاینه کړې ده.‏

ولسمشر اوباما د جمعې په ورځ په یوه بیانیه کې ویلي دي: «له هر نظره هغه [پیتریوس] د ‏خپل وخت یو له ډیرو ښو جنرالانو څخه وو. هغه زموږ له پوځ سره مرسته وکړه چې د ‏نوو ننګونو پر وړاندې ودریږې او زموږ پوځیان یې په افغانستان او عراق کې د یوې ‏ډیرې مهمې دورې پر مهال رهبري کړل.»‏

د امریکا د ملي استخباراتو ادارې مشر جیمز کلپر، هم یوه بیانیه خپره کړې ده چې په یوه ‏برخه کې يې راغلي دي: «د دیوید د ګوښه کیدو پریکړه زموږ د ملت له پاره د یوه ډیر ‏محترم عامه خدمت کوونکي ګوښه کیدل دي.»‏

دیوید پیتریوس په ۲۰۱۱ کال کې د اوباما له خوا د امریکا د استخباراتي شبکې د مشر په ‏توګه وګومارل شو. هغه په دې کال کې له پوځ څخه تقاعد کړی وو. پیتریوس د امریکا په ‏پوځ کې د ۳۷ کلونو له پاره خدمت کړی دی.‏

پیتریوس په په ۲۰۰۷ کال کې په عراق کې د امریکايي ځواکونو مشر وټاکل شو. تر هغه ‏یو کال وروسته بیا دغه امریکايي جنرال د افغانستان، عراق او د نړۍ په نورو برخو کې د ‏امریکايي ځواکونو عملیات څارل. په ۲۰۱۰ کال کې جنرال پیتریوس افغانستان ته ولاړ او ‏په دغه هیواد کې یې د امریکايي ځواکونو مشري پر غاړه واخیسته.‏

مسعود جهش (‏AFP, AP, Reuters‏)‏
کتونکی: سید ریاض‏