1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

دطالبانودولکې پر پراخولو سربيره،په سوات کي تشدد پایته نه رسيږي

د پاکستان په سرحدي ايالت کي طالبانو ته دحکومت لخوا د ډيرو امتيازاتو پر ورکولو سربيره، د پاکستان دغه سيمه ناکراره پاته ده ...

په سوات کي د اسلامي شريعت تر نافذيدو وروسته

په سوات کي د اسلامي شريعت تر نافذيدو وروسته

د سرحد دايالتي حکومت پر هغي پرېکړي باندي د« نفاذ شريعت محمدي »وياند سخته نيوکه کړېده، چي ايالتي حکومت به په سوات کي د استيناف شرعي محکمه جوړوي . د دې څخه ترمخه د سرحد ايالتي حکومت اعلان کړی ؤچي په سوات کي به د استيناف يوه داسي محکمه جوړوي، چي د سوات د شرعي محکمو د پريکړو د ليري کولو يا تصديقولو صلاحيت ولري . خو د ښاغلي مولانا صوفي محمد د تحريک «نفاذ شريعت محمدي »وياند امير عزت وايي چي پدغه فيصله کي د دوی سره هيڅ مشوره نده سوې . ښاغلی امير محمد وايي ،«د خبرو اترو په پای کي چي حکومت زموږ سره کومه موافقه کړې وه، اوس د هغه څخه سرغړونه کوي، او کوښښ کوي چي خپلي پرېکړي پر موږ وتپي . اوس يې قاضيان وټاکل بېله دې چي زموږ سره ترمخه صلاح مشوره وکړي . موږ په ښکاره وايو چي ددغې پرېکړي سره زموږ هيڅ کار نسته . »

په سوات کي د اسلامپاله غورځنګ «نفاذ شريعت محمدي » او حکومت تر منځ نوي مخالفتونه پداسي حال کي را پورته سوي دي، چي د سوات تر څنګ د پاکستان په نورو قبايلي سيمو کي ناکراري مخ پر زياتېدو ده .

ديکشنبې په ورځ د سوات په مينګوره ښار کښي د دوو پاکستاني عسکرو مړي پيدا سول، چي سرونه يې پرې سوي وه . دغه دوه عسکر د شنبې په ماخستن تښتول سوي وه . په سوات کي د ځايي طالبانو وياندحاجي مسلم خان ددغو پاکستاني عسکرو د وژلو پړه پر غاړه اخيستې ده او ويلي يې دي چي د عسکرو په وژلو سره دوی د هغو دوو اسلامپاله قومندانانو غچ اخيستی دی، چي د پاکستان د پوځ لخوا د جګړې په ترڅ کي د شنبې په ورځ وژل سوي وه .

د استيناف د شرعي محکمې د جوړولو د اعلان سره سره، د پاکستان حکومت پر وسله والو طالبانو ږغ کړی دی، چي خپلې وسلې پر مځکه کښيږدي . د سرحد د ايالتي حکومت د اطلاعاتو وزير ميان افتخار حسين ويلي دي چي د طالبانو دپاره نور د جنګ کولوکوم دلايل پاته ندي ولي چي حکومت دنظام عدل تړون له مخي د شرعي محکموپه جوړولو سره، د طالبانو تر ټوله لويه غوښتنه ومنله ،او اوس بايد طالبان وسلې کښيږدي .

د ځايي طالبانو د يوې ډلې «نفاذ شريعت محمدي » او پاکستاني حکومت تر منځ د فبرورۍ په مياشت کښي د اوربند يو تړون لاسليک سوی ؤ . ددغه تړون مهم ټکی داؤ چي د سوات په دره کي به شرعي محکمې جوړيږي . د تړون څخه دوې مياشتي وروسته د پاکستان اولس مشر آصف علي زرداري پر ډير خارجي فشار سربيره دغه تړون لاسليک کړۍ .

خو پر تړون سربيره وسله والو اوس خپله ولکه د سوات و ګاونډۍ سيموبُنېر او دېر ته غزولې ده، چيري چي د يوې اونۍ راهيسي د وسله والو طالبانو او پاکستاني پوځ تر منځ سخت جنګ روان دی . د چارواکو په وينا په دغه جګړه کي دوه نيم سوه وسله وال طالبان او ديارلس پاکستاني عسکر وژل سوي دي . د جګړې له وجې په زرګونو انسانان د خپلو کورونو و پرېښوولو ته اړ سوي دي . دغه سيمي چيري چي اوس واک د طالبانو په لاس کي بريښي د پاکستان د پلازميني اسلام آباد څخه سل

کيلومتره ليري دي .

Herrmann+ DPA/ولي اڅکزی

کتونکی : محمد قاسم نوري