1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

دداعش پرضد دعراق، سوريې او روسيې گډه مبارزه

دهغوی گډ دښمن اسلامی دولت-ISډله ده. په همدې خاطر عراق، ايران ، روسيه او سوريه غواړي د هغې پرضد یو اتحاد جوړ کړي. خو دا کار دنړیوالو انتقادونو سره هم مخامخ سوی دی.

د اسلامی دولت-ISډلي یا پخواني داعش پر ضدپه مبارزه کي عراق غواړي د سوريې، روسيې او ايران سره په گډه یو اییتلاف جوړ کړي. دغه خبر عراقي چارواکو ورکړی دی. د عراق پوځ خبر ورکړی دی ، چي په استخباراتي او امنیتي برخه کي د گډي همکارۍ نوموړې موافقه دداعش سره د روسي تندلارو دنژدې کیدو له کبله د مسکو د مخ پر ډیریدونکی اندیښنې پر اساس تر سره سوې ده.

انټرفکس خبري آژانس د پوځي او ډیپلوماتیکو کړیو د معلوماتو پراساس رپوټ ورکړی دی ، چی د عراق په پلازمېنه بغداد کي به د ټولو څلورو هيوادونو نظامي استازي سره راټول سي. د همدغه رپوټ له مخي وروسته کیدلای سي ، دگډو تأسیساتو له لاري د داعش پرضد گډ نظامي عملیات هم تر سره سي. دغه گډه همکاری په سیمه کي د روسيې نفوذ هم تقویه کولای سي.

روسيه له سوريې څخه ملاتړ کوي

روسيې په دې وروستیو وختونو کي په سوريه خپل نظامي حضور زیات کړی دی. پردې سربیره مسکو د سوريې دواکمن بشارلاسدیو نژدې متحد دی. اوس نود ملګروملتونو په عمومي اسامبله کي چي د ددوشنبه په ورځ په نیویارک کي دایریږي ،د جمهوررييس ولاد يمير پوتين وینا ته په هیجان سره انتظار ایستل کیږي ، په کومه کي چي به نوموړی د اسلامی دولت-ISډلي سره د گډي مبارزې غوښتنه وکړي. روسيه ، سوريې ته د عسکرو لیږل نه ردوي او د غربي هيوادونو د معلوماتو پراساس یې هلته وختي لا نظامي اډې جوړي کړي دي.

لویدیځ دغه بهیر ته د شک په سترگه گوري او د اسد سره د مسکو پر پوځي مرستو باندي انتقاد کوي.