1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

دجرمني حکومت په آواکس الوتکوکښی برخه اخيستل تصويب کړل

کله چي په راتلونکي کي اواکس ډوله اکتشافي الوتکي دافغانستان فضأ څاري، دالمان اتحادي جمهوريت به هم ونډه پکښي ولري . دراداردغه هوايی سټيشنونه به دافغانستان په فضأ کي ...

دآواکس اکتشافي الوتکه

دآواکس اکتشافي الوتکه

دالوتکو دورځ په ورځ ډيريدونکي تګ راتګ څارنه وکړي .

د جرمني دحکومت وياند اولريښ ويلهلم پدې اړه وايي ،«ددغو الوتکوګمارل به دفضأ کنترول بهتره کړي، او دټولو څه ملکي اوڅه عسکري الوتکو ساتنه به وکړي . او همدغه ډول به ګمارل شوي عسکر اودافغانستان دملکي وګړو په ساتلوکي هم ونډه واخلي . »

هغه څلور اواکس ډوله الوتکي چي د جرمني د يوه ښارآخن ته نژدې ځای پر ځای دي، په ناټو پوري اړه لري . دالمان اردو دڅو هيوادونو لخوا ګمارل شوي عملې دريمه برخه ګماري . ددغواکتشافي الوتکو څخه تل دسترو راغونډيدنو په وخت کي کار اخيستل کيږي . دمثال په ډول دفوټبال په نړيوالو لوبواودشمالي اطلس ددفاعي تړون دمشرانوپه غونډوکي . »

دکابيني داپريکړه پرهغو 3600الماني عسکرو سربيره چي په افغانستان کي دي ، د300نورو عسکرودګمارلواجازه هم ورکوي . دادنده به د جرمني دولسي جرګي( بوندستاګ )لخوا دجولای دمياشتي په سرکي ورکړله شي . مخالف ګوندونه غواړي چي پردغي طرحي باندي اول ښه غور وکړي . خودآزاد ديموکرات دګوند مشر ګيدو وِسترويله همدا اوس دموافقې دکولو اعلام کړيدی . دی وايي،

«ددې بنسټيزي غوښتني چي دافغانستان فضا بايده دي امنه شي، ملاتړکوو. ځکه پدې ‌ډول مونږ په افغانستان کي دخپلو ښځينه اونارينه وو عسکرو امنيت هم ډيروو . پدې ډول موږ په افغانستان کي دخپلو الوتکودحرکاتو دپاره، کارکوو،ځکه چي مونږ دافغانستان په ډيرو سيموکي دهوايي حمل ونقل سياسي او پوځي مسؤليت پر غاړه لرو . »

د آواکس په طياره کښي دننه عمله

د آواکس په طياره کښي دننه عمله

دالمان اردو په افغانستان کي دناټو دآيساف څه ناڅه د نيمايي هوايي وړلو راوړلو دنده پر غاړه لري . اوسربيره پردې يې تورناردو ډوله اکتشافي الوتکي په افغانستان کي ځای پر ځای کړيدي . د جرمني حکومت دليل وايي چي پدي ډول نو آلمان د بل هرچاڅخه، دناتو لخوا دافغانستان دفضا له څارلو څخه زيادتره ګټه کوي .

دآواکس دګمارلو په وړاندي منفي ځواب کيڼ ګوند وايي . داګوند دالمان دمرکزي پارلمان يوازنی ګوند دی چي په افغانستان کي دالماني عسکرو ګمارل ردوي .

دنوموړي ګوند مشر لافونتين وايي ، «کيڼ ګوند به ددغو الوتکو ګمارل په خپلي خبري باندي ددريدوپه خاطر ردکړي، ځکه چي موږ نسو ويلای چي مونږ د جګړې سره مخالف يو ،خوددې جګړي د مخته بيولو دپاره مرسته کونکي وسايل په واک کي ورکوو. »

کيڼ ګوند وايي چه دآواکس دګمارلواصلي هدف داندی چي په افغانستان کي هوايي ترافيک ډاډه کړي،بلکه ناټو غواړي چي دهوايي جګړې لپاره ځان زيادتره سنبال کړي .

ويرک هويزر/ رحيله اميري

کتونکي : محمد قاسم نوري