1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

داعش په هرات کې د برید مسئوليت پر غاړه واخيست

داعش (اسلامي دولت) ترهګري ډلي په هرات کې د سه شنبې ورځ د برید مسئوليت پر غاړه اخيستی. په دغه برید کې چې د شعیه مسلمانانو په یوه مسجد کې وشو، ۲۹ کسان ووژل شول.

داعش د چهارشنبې په ورځ د خپل رسمي آژانس «اعماق» له لاري په هرات کې د سه شنبې په ماښام د ځانمرګي برید مسئوليت پر غاړه اخیستی دی.

په دې آژانس کې په یوه خپاره شوي مطلب کې راغلي دي: «په دې برید کې شاوخوا۵۰ شعیه [مسلمانان] وژل شوي او۸۰ تنه نور ټپیان دي. برید تیره ورځ [سه شنبه] په لویدیځ ولایت هرات کې پر یوه حسینیه باندي ترسره شوی.»

داعش ډیر وخت په خپلو بریدونکو کې د ډیرو تلفاتو اړولو ادعا کوي. د افغان حکومت رسمي شمیري ښيي چې په هرات ښار کي برید ۲۹ کسان وژلي او ۶۴ تنه نور یې ټپیان کړي دي.