1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

خصوصي سکتور: د وزيرانو شورا پريکړه عادلانه نه ده

د خصوصي سياحتي شرکتونو د چارواکو په وينا د چنګاښ پر ۲۵ نيټه د وزېرانو شورا په غونډه کي پريکړه سوې، چي خصوصي شرکتونو ته به د روان ۱۳۹۰ لمرېز کال د حج او عمرې مراسمو ته د حاجيانو د ليږد په برخه کي ونډه نه ورکول کيږي.

د پامير هوايي شرکت الوتکه

د پامير هوايي شرکت الوتکه

دوی ويلي چې وزيرانو شورا په تيرو کلونو کي د خصوصي شرکتونو له لوري د لوړو بيو اخېستو له امله دغه پريکړه کړې ده.

د وزېرانو شورا ددغې پريکړي له مخه به سږکال ټول افغان حاجيان يوازي آريانا افغان هوايي شرکت سعودي عربستان ته وليږدوي.

د افغانستان د سوداګرېزو او صنايعو خونو د وزېرانو شورا پر دې پريکړي نيوکه کړې او له ولسمشر څخه يې غوښتي چې په دې اړه دې له سره غور وسي.

د افغانستان د خصوصي سکتور استازو خبرداری ورکړی، چې که پردې پريکړې بيا کتنه ونه سي نو دوی به په لاريونونولاس پورې کړي.

NO FLASH Afghanistan Kabul Moschee

د افغانستان د سوداګريزو او صنايعو خونو د حج کمېټې مسؤل شرين آغا سخي نن يوې خبري غونډې ته وويل، په تيرو کلونو کي د خصوصي هوايي شرکتونو د ټکټونو بيي مناسبې وې.

ښاغلي سخې زياته کړه دوي له حکومت څخه هيله درلوده چې د ګټورو اقتصادي تګلارو له مخې به د خصوصي سکتور ملاتړ وکړي نه دا چې په غير عادلانه پريکړو به خصوصي هوايي شرکتونو ته زيان واړوي.

د سوداګرېزو خونو د حج کمېټي مسؤل چې تېر کال يې سعودي عربستان ته د افغان حاجيانو د ليږد بهير له نيږدې څارلي وايي تېرکال د خصوصي هوايي شرکتونو اسانتياوې د دولتي شرکتونو په پرتله غوره وې.

ښاغلي سخي وويل سږ کال سعودي عربستان په پام کې لري چې له افغانستان څخه ۳۰ زره حاجيان ومني او د ولسمشر له دويم مرستيال سره يې په يوه کتنه کي د خصوصي هوايي شرکتونو په واسطه د ۱۰ زره حاجيانو دليږد غوښتنه کړې چې هغه هم ورسره منلې ده.

په تيرو کلونو کي سعودي عربستان ته د افغان حاجيانو د ليږدونې بهير له ستونزو سره مخ وو او په دې اړوند د حج او اوقافو پر پخوانيو وزېرانو او لوړ پوړو چارواکو د بډو او درغليو تورونه هم لګيدلي وو.

DW.COM