1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

حبيبې سرابي ته د اسيا مهمه جايزه ورکړه سوه

د افغانستان د بامیانو ولایت والي حبیبه سرابي، د فلیپین د «رامون مگه سيسي» جایزې گټونکې شوې ده. دغي جایزې ته د اسیا د نوبل جایزه هم ویل کیږي. مېرمن سرابي په افغانستان کې یوازینۍ ښځینه والي ده.

TO GO WITH Afghanistan-unrest-NATO-Bamyan,FEATURE by Lawrence Bartlett This photo taken on October 22, 2012 shows Afghan Hazara tribe female governor of Bamiyan Habiba Sarabi talking during an interview at her office in Bamiyan. In a spectacular valley swept by centuries of Silk Road history, the hopes and fears of Afghanistan's only female governor capture the mood across the country as Western troops prepare to withdraw. AFP PHOTO / Massoud HOSSAINI (Photo credit should read MASSOUD HOSSAINI/AFP/Getty Images)

Bildergalerie Frauen Umweltschutz

د فلیپین په پلازمېنه مانیلا کې د «رامون مگه سيسي» جایزو بنست د چهارشنبې په ورځ اعلان وکړ چې سږ کال یې د جایزې په گټونکو کې درې تنه او دوه سازمانونه شامل دي. د دغې جایزې په گټونکو کې یو تن فلیپینی ډاکتر، په اندونیزیا کې د اداري فساد پر ضد یو خپلواک کمیسیون او په نیپال کې د مدني ټولنې یو سازمان هم شامل دي.

د فلیپین د «رامون مگه سيسي» جایزه د دغه هیواد مشهور ولسمشر پسې نومول شوې ده چې چې په ۱۹۵۷ کال کې د یوې الوتکې د رالویدو له کبله ومړ. دغه جایزه هغو سازمانونو او شخصيتونو ته ورکول کیږي چې په ټولنه کې د مثبتو بدلونونو د راوستلو له پاره هلي ځلي کوي.

د دغې جایزې په گټونکو کې د افغانستان د بامیان ولایت والي میرمن حبیبه سرابي هم شامله ده. ۵۷ کلني سرابي ته دغه جايزه د ښه دولتدارۍ او يوې فعاله سيمه ييزي ادارې د رامنځ ته کولو له کبله ورکړل شوې ده. پر دې سربیره په ټولنه کې د ښځو او نجونو د زده کړو له حق څخه د دفاع کولو له کبله هم د مېرمن سرابي ستاینه شوې ده.

د «رامون مگه سيسي» د جایزو بنسټ ویلي دي چې مېرمن سرابي په ډیرو سختو شرایطو کې دې ته زمینه برابره کړې ده چې په ولایت کې يې زده کوونکي نجوني ډيري شي. بنسټ زیاته کړې ده: «که څه هم په افغانستان کې ډیر شمیر ښځې په لویو دولتي پوستونو کې کار نه کوي، بیا هم د هغې جرئت او اراده د ستاینې وړ ده.»

د سرابي تر څنگ د میانمار يوې مېرمني سینگ روا سهپای، هم د «رامون مگه سيسي» سږنۍ جایزه ترلاسه کړې ده. دغې مېرمني د میانمار په قومي شخړو کې له بې ځایه شویو کسانو سره د مرستو په خاطر دغه جایزه گټلې ده. د «رامون مگه سيسي» دریم گټونکی ۷۶ کلن ایرنیستو دومنگو دی چې په فلیپین کې یې د دې له پاره ډیري هڅې کړې دي چې بې وزله کسان روِغتیایي مرستو ته لاسرسی پیدا کړي.

پر دغو درو کسانو سربیره د نیپال «شکتي سموها» سازمان هم دغه جایزه گټلې ده. دغه سازمان د انساني قاچاق د قربانیانو له خوا جوړه شوی دی چې اوس د دغه جنایت له نورو قربانیانو سره مرستې کوي. د «رامون مگه سيسي» جایزې بل گټونکی سازمان په اندونیزیا کې د «اداري فساد د له منځه وړلو کمېسیون» دی چې د چارواکو په خبره یې د فساد پر ضد یو بریالی کمپاین پيل کړی دی.