1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

حامد کرزي، خپل ورور خاورو ته وسپاری

ولسمشر حامد کرزي په خپله پلرنۍ هديره کي د خپل کشر ورور خاوروته تر سپارلو وروسته د کندهار ولايت په ودانۍ کي يوې پراخي غونډي ته د وينا پر مهال شاه ولي کرزی د احمد ولي کرزي ځايناستي و نوماوه.

ولسمشر حامد کرزی

ولسمشر حامد کرزی

ښاغلي حامد کرزي په غونډه کي پر قومي مشرانو او سپين ږيرو ږغ وکړی چي: « د احمدولي کرزی پر ځای د شاولي کرزي تاکل منی.»

په غونډه کي ټولو خلکو د مشر په توگه د شاولي کرزي ټاکل ومنل. شاولي کرزی د حامد کرزي ورور دی او تر اوسه پوري د خلکو په منځ کي دومره محبوبيت نه لري، لکه د هغه بل ورور قيوم خان کرزی.

ولسمشر حامد کرزی تر سختو امنيتي تدابیرو لاندي د چهارشنبې په شپه کندهار ته رسیدلی او نن سهار يې د خپل کشر ورور د جنازې په مراسمو کي گډون وکړی.

ځيني لوړپوړي دولتي چارواکي او د کابيني وزيران هم د کرزي سره د جنازي په مراسمو کي د ګډون له پاره کندهار ته رسيدلي.

احمد ولي کرزی تيره ورځ په خپل کورکي د دوی د کورنۍ د باوري ساتونکي له خوا ووژل سو.

د کندهار د ولايتي ودانۍ مخ ته چيري، چي د احمد ولي کرزي جسد پروت و، په زرګونو خلک موټرو ته په قطار کي ولاړول تر څو د جنازي په مراسمو کي ګډون وکړي.

جنازه د زرگونو خلکو په گډون د هغه په پلرنۍ هديره کرز کي خاورو ته وسپارل سوه.

Flash-Galerie Afghanistan Karsai

ولسمشر کرزی د ورور مرگ سخت لړزولی او ډير خواشنی معلوميدی. د هغه سترگي د اوښکو ډکي او خاوروته د سپارلو پر مهال يې سخت ډير وژړل.

امنيتي کړيو په ښار کي سخت امنيتي تدابيرنيولي، او څرخکي الوتکي هم د ښار د پاسه الوتني کوي. کندهار ښار نيم تړلی او نيم خلاص دی. داسي ښکاري لکه نيم ښار چي کومي خواته کوچيدلی وي.

احمد ولي کرزی د کرزي د کورنۍ د ساتونکو د مشر سردارمحمد له خوا پرون په خپل کور کي ووژل سو. سردارمحمد د کرزي د کورنۍ سره لږ تر لږه د تيرو لسو کلو راهيسي پيژندل.

سردارمحمد د احمدولي کرزي د وژلو څو شيبي وروسته د ساتونکو په ډزو ځای پر ځای ووژل سو.

تيره ورځ طالبانو د احمد ولي کرزي د وژلو پړه پرغاړه اخيستي او دا يې په تيره لس کلنه جګړه کي « يوه لويه لاس ته راوړنه» بللې.

د طالبانو وياند يوسف احمدي فرانس پريس خبري اژانس ته د ټليفون پر کرښه ويلي ول چي د دوی د ډلي له خوا په نږدي وخت کي دغه ساتونکي په دنده ګمارلي وو چي احمد ولي کرزی ووژني.

اژانسونه/ سيد رياض

کتونکي: نجيب الله زيارمل

DW.COM