1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

جنرال ريچاردز: نورو عسکرو ته اړتيا لرو

په افغانستان کې د ناتو ځواکونو قوماندان د طالبانو په وړاندې د جگړې دپاره نور عسکر غوښتي دي. »موږ کولای شو چې دغه جگړه وگټو، خو بايد خپلې هڅې پراخې کړو« دغه څرگندونې برطانيايي جنرال ديويد ريچاردز د »گاردين« ورځپاڼې ته وکړې (د دوشنبې گڼه).

د ناتو ځواکونو قوماندان جنرال ديويد ريچاردز

د ناتو ځواکونو قوماندان جنرال ديويد ريچاردز

»زه نورو عسکرو ته اړتيا لرم نه دا چې عسکر له يوې سيمې څخه بلې ته ولېږو.« ده زياته کړه چې سرتيري خواشيني دي او د جگړې د گټلو دپاره نورو هلو ځلو ته اړتيا ده.
په افغانستان کې اوسمهال 40.000 بهرني عسکر ځای په پای شوي دي. 33.000 له هغو څخه د ناتو په مشري فعاليت کوي. په افغانستان کې د طالبانو د نسکورېدو څخه وروسته په دې وروستيو کې تر ټولو زيات اخ و ډب او خشونت رامنځ ته شوی و. اسلامي اورپکي په تېره بيا د هېواد په جنوب کې ډېر فعال دي. د آلمان پوځ په شمال کې ځای په ځای شوی دی چې نسبتا آرام دی. خو وار په وار په آلمان باندې غږ شوی دی چې خپل عسکر دې د افغانستان جنوبي ولايتونو ته هم ولېږي. د آلمان حکومت دغه غوښتنه رد کړې ده.