1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

اروپا ته مهاجرت

جرمني او اتریش د سرحدي کنترول تمدید غواړي

څوک چي په دوبي کي د تفریح له پاره په موټر کي سفرکوي، باید د جرمني په سرحدونو کي پرکنترول باندي حساب وکړي. د مهاجرو شمیر پر راکمیدو سربیره جرمني او شپږ نور هيوادونه د سرحدي کنترول تمدید غواړي.

المانۍ ورځپاڼي «فرانکفورت الگماینه» رپوټ ورکړی دی چي د اروپايي ټولنۍ کمیساري به د دغي غوښتني په باب په چهارشنبې ورځ تصمیم ونیسي.

د جرمني کورنیو چارو وزیر توماس دې میزېر د دغي غوښتني دلیل داسي څرگند کړ چي «که څه هم د لویدیځ بالکان لارې په اوږدو کي د جرمني په سرحدونو کي د مهاجرو حالت اوس عادي سوی دی، خو بیا هم موږ د اروپايي ټولني په باندنیو سرحدونو کي د اوضاع پرمختگ ته په اندیښنې سره گورو.»

له دې کبله غړي هیوادونه باید په داخلي سرحدونو کي په راتلونکي کې هم وکولای سي، چيري چي لازمه وي، د شرایطو او اوضاع سره سم سرحدونه کنترول کړي.

شپږ هيوادونه سرحدي کنترول غواړي

د جرمني تر څنگ اتریش، فرانسه ، بلجیم ، ډنمارک او سویډن هغه هيوادونه دي، چي د شینگن په ساحه کي د سرحدي کنترول تمدید غواړي. خو په دې سره به د دغو هیوادونو په منځ کي خصوصأ د دوبي په رخصتیو کي ترافیکي ازدحام ډیر زیات سي.

یوازي به د اتریش او ایټالیا تر منځ سرحدي کنترول تر سره نه سي، په دې اړه هم اتریش غواړي حقوقي اساسات رامنځته کړي.

د مهاجرو ډیر شمیر ته په کتلو سره جرمني د پروسږکال په سپټمبر میاشت کي بیرته سرحدي کنترول رامنځته کړ. خو د بالکان لاري تړل او ترکیې سره د اروپايي ټولني تر تړون وروسته دغو هيوادونو ته ډیر لږ مهاجر ورغلي دي.

په همدې حال کي ملگرو ملتونه اروپا ته د تر سلو زرو پوری مهاجرو د راتگ اټکل کوي، چي د مدیترانې له لاري څخه به ایټالیا او له هغه ځایه څخه به بیا غربي اروپا ته راسي.

DW.COM