1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

د افغانستان بيا رغاونه

جاپان د سالنگ تونل بيا رغوي

جاپان پتېيلې ده چي د سالنگ تونل په بيا رغولو کي له افغانستان سره مرسته وکړي. دغه تونل د افغانستان شمال له مرکز سره نښلوي. تونل په ۱۹۶۴م کال کي روسي متخصصانو جوړ کړی او جگړو سخت ويجاړ کړی دئ.

انترفکس خبري آژانس د افغانستان د رسنيو په حواله ليکي چي جاپان هیواد تياري ښوولې دی، چي د سالنگ توتل جوړولو له پاره افغانستان ته ۱،۸۵ ميليونه ډالره پور ورکړي.

د آژانس د خبر له مخي د دغو پيسو قرارداد د دوشنبې په ورځ (۲۰۱۶م کال د مارچ ۱۴مه) په کابل کي د جاپان سفير او اسيا پراختيايي بانک د استازي ترمنځ لاسليک سو.

ويل سوي دي چي د تونل د بيا رغاولو پروژې چاري به د افغانستان له بېړنيو حالاتو سره د مبارزې وزارت په همکارۍ سمباليږي.

د موټرو د تېرېدو دغه لار په ۱۹۵۸-۱۹۶۴م کلونو کي د هندوکش غرونو په ۳۸۷۸ ميتره لوړه برخه کي روسي متخصصانو جوړه کړې ده.

سالنگ تونل په ۱۹۶۴م کال کي جوړ سو

سالنگ تونل په ۱۹۶۴م کال کي جوړ سو

سالنگ تونل په ۱۹۶۴م کال کي له فعالېدو سره سم تر ۱۹۷۳م کاله پوري د موټرو د تېرېدو په برخه کي په نړۍ کي لومړی تونل وو چي په لوړو غرونو کي جوړ سوی وو.

تونل ۲۶۷۶ ميتره اوږدوالی لري او بر ئې په ځينو برخو کي ۶ ميتره دئ. د سالنگ تونل جنوبي برخه د سمندر له سطحي ۳۲۰۰ ميتره لوړه ده او د تونل تر ټولو لوړه برخه له سمندر سطحي ۳۳۶۳متره لوړه ده.