1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

جان الین: د ملکي تلفاتو مخ نیوی به په ټول توان کوو

په افغانستان کې د ګڼ ملیتیزه ځواک (ایساف) قوماندان وایې د ولسي افغانانو مرګ ژوبله ورته د نه منلو وړ ده او ځواکونو ته یې دستور ورکړی چې د امکان تر حده پوري د دغې مرګ ژوبلي د رامنځ ته کیدو مخ نیوی وکړي

افغانستان کې د ناټو عمومي قوماندان

افغانستان کې د ناټو عمومي قوماندان

د پوځي عملیاتو پرمهال د ولسي افغانانو مرګ ژوبله هغه مسله ده چې د کابل اوغربي متحدینو ترمنځ یې په وار وار اړیکي ترینګلي کړي دي. امریکایې جنرال جان الین دغه څرګندوني پرون ناوخته په کابل کې د افغان او بهرنیو پوځي چارواکو او دیپلوماتانو یوې غونډي ته وکړي.

په دغه غونډه کې چې د (ولسي افغانانو د ساتنې د لارو چارو د موندلو د ناستې) نوم ورته ورکړل شوی وو شاوخواه ۱۲۰ تنو برخه اخیستي وه. ګډون والو په دې خبري وکړي چې څرنګه کیدای سي د پوځي عملیاتو پرمهال د ولسي افغانانو د مرګ ژوبلي مخ نیوی وشي او د امکان تر حده د ولسي خلکو د مرګ ژوبلي کچه را ټیټه کړای شي.

د ولسي جرګې، ایساف ځواکونو، د بشر د حقونود خپلواک کمیسیون، د بښنې د نړیوال سازمان، د افغانستان د شنونکې د ټولني، د کورنیو چارو او دفاع چارو وزارتونو استازو په دغه غونډه کې وپتیله چې د ولسي مرګ ژوبلي د کمولو لپاره او په ټوله کې صفر ته د دغې کچې د رسولو لپاره باید د حکومتي ادارو او نړیوالو ځواکونو د سیمیزو او مرکزي قوماندانۍ ترمنځ همغږي لا پسې پراخه شي.

غونډي ته د ګڼ ملیتیزه ځواک عمومي قوماندان، جنرال الین، وویل چې د ایساف ځواکونو د روان کال عملیاتو ته په کتو سره د بریدونو پرمهال د ولسي خلکو په مرګ ژوبله کې د پام وړ کمښت راغلی دی.

جان الین زیاته کړه چې ټولو قوماندانانو ته یې دستور ورکړی چې له دښمن سره د مخامخ کیدو په صورت کې که چیرته په سیمه کې ولسي خلکو ته دمرګ ژوبلي د اوښتو شونتیا لیدل کیږي نو د توپونو او درنو وسلو ترڅنګ له هوایې ځواک څخه کار وانه خیستل شي.

جنرال الین د افغان او بهرنیو ځواکونو د ملکي او پوځي ادارو ترمنځ د لا ښې همغږۍ رامنځ ته کول په دغې نیمګړتیا لوی بری وباله.

د یادولو وړ ده چې دا په کابل کې د ایساف او افغان ملکي او پوځي ادارو تر منځ د ولسي خلکو د مرګ ژوبلي د مخ نیوي د لارو چارو د موندلو په اړه د غونډو د سلسلې دوهمه ناسته وه چې تر سره شوه.

دویچه ویله/ جلالزی
کتونکی: مسعود جهش

DW.COM