1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

اروپا ته مهاجرت

تیر کال کې تر ۵۴ زرو ډیر مهاجر په خپله خوښه له آلمان څخه وتلي

په ۲۰۱۶ کال کې تر ۵۴ زرو ډیر مهاجر په داوطلبانه شکل له آلمان څخه خپلو هیوادونو ته ستانه شوي دي. د دغو بیرته ستنیدونکو کسانو لویه برخه د البانیا، سربستان، کوزوو او عراق هیوادونو مهاجر ول.

د مهاجرت نړیوال سازمان یوه ویاند د سه شنبې په ورځ (د جولای میاشتې ۱۱) وویل چې تیر کال تر ۵۴ زرو ډیر مهاجر په داوطلبانه شکل خپلو هیوادونو ته بیرته ستانه شوي دي.

د مهاجرت نړیوال سازمان (IOM) د څرګندونو له مخې په دې توګه د بیرته ستنیدنې او په آلمان کې د دوباره ادغام په پروګرام کې برخه اخیستنه، تر هغې د یوه کال مخکې په پرتله ۵۰ سلنه زیاته شوې ده.

په مجموع کې ۱۶۸۳۱ تنه البانوي مهاجر، ۶۱۳۸ تنه د سربستان هیواد، ۵۶۵۷ تنه عراقي مهاجر، ۵۳۹۶ تنه د کوزوو او ۴۵۷۶ مقدونیایې مهاجر له آلمان څخه بیرته خپلو هیوادونو ته ستانه شوي دي.

د مهاجرت نړیوال سازمان په نړیواله کچه له ۹۸ زره مهاجرو سره، د هغو له جملې څخه تر ټولو په لومړي قدم کې د اروپایې اتحادیې له غړو هیوادونو څخه خپلو هیوادو ته د دوی د بیرته ستنیدو په برخه کې مرسته کړی ده.

د نوموړي سازمان د رپوټ پر بنسټ په دوی کې ۱۲۵۷ تنه بی سرپرسته ماشومان ول چې د هغو له جملې څخه ۹۰۰ تنه یې د انساني قاچاقبراني قرباني شوي دي.

 ۳۹ زره بیرته ستانه شوي مهاجر د ملګرو ملتونو د مهاجرت سازمان (په خپل هیواد کې د یو نوي ژوند او کار پيل) پروګرام په چوکاټ کې له ملاتړ څخه برخمن شوي دي. سربیره پر دې بیرته ستنیدونکو، په مجموع کې د افریقایې هیوادونو مهاجرو روزنیزو پروګرامونو ته لاسرسی درلود.