1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

تښتول سوې آلمانۍ مېرمن آزاده سوې

د افغانستان د کورنيو چارو وزارت رپوټ ورکړی، چې د تېرې شنبې په ورځ تښتول شوې يوه آلمانۍ مېرمن کرېستينه يې آزاده کړې او په دې اړوند يې څلور تنه تر شک لاندې تښتوونکي نيولي هم دي.

کرېستينه پس له يوې نيمي ورځي نه، د کابل د ښار په ختيځ کي د شپې لخوا آزاده سوې

کرېستينه پس له يوې نيمي ورځي نه، د کابل د ښار په ختيځ کي د شپې لخوا آزاده سوې

د کورنيو چارو د وزارت وياند زمري بشري د دوشنبې په سهار له پلازمېنې کابل څخه په خپل رپوټ کې زياته کړې، چې د نيول شوو په ډله کې د يرغمل نيوونکو اصلي لارښود هم شامل دئ. دوی څلورواړه د دوشنبې د شپې په ژغورنيزو عملياتوکې لاس ته ورغلي.

افغاني پوليسو او استخباراتو وکولای شوای چې آلمانۍ کرېستينه پس له يوې نيمې ورځې نه، د کابل د ښار په ختيزکې د شپې لخوا آزاده کړي.

بشري دا هم ويلي دي چې د نيول شوو په ډله کې، د تېرکال د اکتوبر په مياشت کې د افغانستان په شمال کې د وژل شوو دوو تنو آلمان غږ راډيو سره همکارو آلماني ژورنالستانو د وژنې اصلي عامل هم موجود دئ. د يوه وروسته رارسېدلي خبر له مخې د ژورنالستانو د وژونې په ارتباط تېره اونۍ هم څوکسان نيول شوي. د لاس ته راغلو کسانو هويت تر اوسه پورې نه دئ اعلان شوی.

د جرمن د بهرنيو چارو وزير فرانک والټر شتين ماير له دې برياليتو څخه خوښي څرگنده کړې او ويلي يې دي، چې اوس ښايي د هغه آلماني ٦٢کلن انجنير غم هم وخوړل شي،کوم چې له يوې مياشتې راهيسې يرغمل نيول شوی.