1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

تيره شپه په افغانسان کي زلزلې تلفات نه لرل

افغان چارواکو اعلان کړی دئ چي د يکشنبې په ماښام په افغانستان کي زلزلې تلفات نه لرل. دغه زلزله چي ۵،۹ درجې ثبت سوې ده تکانونه ئې په هندوستان او پاکستان کي هم احساس سوي دي.

د امريکا د مځکي پېژندني ادارې ويلي دي چي د دغي زلزلې مرکز د بدخشان د اشکاشيم په ۲۲ کيلومترۍ کي د مځکي په ۹۲،۴ کيلومتره عمق کي وو.

دغه زلزله چي د افغانستان په محلي وخت د شپې ناوخته سوې پر افغانستان سربيره د پاکستان په شمال او د هندوستان په پلازمېنه نوي دهلي کي احساس سوې ده.

د افغانستان له طبيعي پيښو سره د مبارزې ادرې مرستيال محمد اسلم سياس، اسوشېتد پرس خبري آژانس ته ويلي دي چي د زلزلې د تلفاتو په اړه تر اوسه پوري هيڅ راپورونه دوی ته رسېدلي نه دي.

په اکتوبر مياشت کي د افغانستان په شمال ختيځ کي يوې بلي زلزلې چي شدت ئې ۷،۵ اټکل سوی وو، په افغانستان او پاکستان کي نژدې ۴۰۰ انسانان ووژل او په زرونو کورونه ئې ونړول.

په افغانستان کي کله نا کله په ځانگړې توگه د هندوکش د غرونو په سلسله کي زلزلې کيږي.

DW.COM