تر کښتۍ ډوبېدو وروسته تقريبا ۱۵۰ مهاجر لادرکه دي | اروپا ته مهاجرت | DW | 29.03.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

اروپا ته مهاجرت

تر کښتۍ ډوبېدو وروسته تقريبا ۱۵۰ مهاجر لادرکه دي

په مديترانه کي د يوې کښتۍ تر ډوبېدو وروسته تقريبا ۱۵۰ مهاجر لادرکه دي. دا خبره په حادثه کي ژوندي پاته سوي يو۱۶ کلن مهاجر کړې ده.

Symbolbild Flüchtlingsboot Mittelmeer (picture-alliance/dpa/AP/S. Diab )

آرشيف انځور

د مديترانې په سمندر کي د يوې کښتۍ د ډوبېدنې وروسته د دغې کښتۍ ۱۵۰ مهاجر سپرلي لادرکه دي. دا خبر د مهاجرو له پاره د ملګرو ملتونو ادارې (UNHCR) له حادثې د ژوندي پاته سوي يو کس په حواله ورکړی دی. د ګامبيا سره تړاو درلودونکی له حادثې ژوندی پاته سوی يو ۱۶ کلن د هسپانوي پوځي بېړۍ له خوا ژغورل سوی دی.

له حادثې ژوندی پاته سوی ځوان د سوفيه په نوم د اروپايي اتحاديې د ځانګړي ماموريت د هسپانوۍ بېړۍ له خوا په مديترانه کي موندل سوی ؤ. وژل سوي چي دغه پناه غوښتونکی د اېټاليې په لامپېدوسا ټاپو کي يو روغتون ته انتقال کړل سوی دی.

د ګامبيا هيواد ژوند پاته سوي مهاجر و مرستندويانو ته ويلي دي چي کښتۍ يې د ليبيا له ساحل څخه سفر پېل کړی ؤ. UNHCR د دغه ګامبيايي مهاجر په حواله ويلي دي چي د حادثې سره مخامخ کېدونکې کښتۍ د يکشنبې يا دوشنبې په ورځ د ليبيا له صبراتا ښار څخه سمندر ته داخله سوې وه.

ژوندي پاته سوي مهاجر ويلي چي په کښتۍ کي ۱۴۶ پناه غوښتونکي سپاره ول. د هغه په وينا په مسافرو کي ۵ ماشومانو او يو شمېر حامله داره ښځې هم شاملي وې. هغه زياته کړې چي په کښتۍ کي د سپرو اکثرو مهاجرو تړاو د نايجيريا، ګامبيا او مالي هيوادونو سره ؤ. د هغه په وينا د سفر د پېل څخه صرف څو ساعته وروسته کښتۍ په ډوبېدو پېل وکړ.

د مهاجرت له پاره نړيوال سازمان (IOM) ويلي چي ژوندی پاته سوی ځوان تقريبا په ناڅاپه توګه د هسپانوي جنګي بېړۍ له خوا وليدل او وژغورل سو.

د مهاجرت د نړيوال سازمان په وينا د مېلادي کال د پېل راهيسي د ليبيا و ساحل ته نژدې لږ تر لږه ۵۹ مهاجر يا لادرکه سوي او يا وژل سوي دي. اېټالوي چارواکي وايي چي په روان کال يې يوازي د اېټاليې د ساحل له لاري څخه راغلي ۲۳۰۰۰ مهاجر ثبت کړي دي.

پر ورته موضوع یو انځوريز البوم زموږ له آرشيف څخه (26.05.2016):

DW.COM