1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

بشري حقونه

تر دوو میلیونو ډیر افغانان له رواني ناروغیو کړیږي

د روغتیا نړیوال سازمان د یکشنبې په ورځ په یوه خپره کړې بیانیه کې ویلي دي چې تر۲،۲ میلیونو ډیر افغانان له ژور خپگان يا ډیپریشن او انزايتي يا اضطراب ناروغیو کړیږي.

په خپره شوې بیانیه کې د روغتیا د نړیوال سازمان د افغانستان د څانګې مشر ریچارد پیپرکورن، له قوله راغلي دي چې دا یوازي یو اټکل دی او اصلي شمیر ښايي تر دې ډیر لوړ وي. په افغانستان کې په رواني ناروغیو باندي د اخته کسانو په اړه دقیقې شمیرې په لاس کې نه شته.

د نړۍ د روغتيا سازمان وروستي اټکلونه ښيي چې تر یوه میلیونه ډیر افغانان په ژور خپگان یا ډیپریشن او ۱،۲ میلیونه نور بیا په انزایتي يا اضطراب اخته دي.

په افغانستان کې د رواني ډاکټرانو او تراپیستانو شمیر ډیر کم دی. دغه هیواد اوس هم په نړۍ کې د روغتیایي خدمتونو په برخه کې یو له ډیرو وروسته پاتو هیوادونو څخه شمیرل کیږي.

د افغانستان د عامي روغتیا وزیر فیروزالدین فیروز، ویلي دي چې دې وزارت په وروستیو کلونو کې ۷۰۰ رواني مشاورین او ۱۰۱ رواني ډاکټران روزلي دي. د دوې له ډلې څخه ۳۰۰ یې همدااوس په دولتي روغتیایي ادارو کې په کار بوخت دي.

خو پیپرکورن دغه شمیر کافي نه بولي. هغه ویلي دي: «په افغانستان کې د رواني روغتیا د ملاتړ په موخه لا ډیرې پانګونې ته بیړنۍ اړتیا موجوده ده.»

 

زموږ له ارشيف څخه:

 

DW.COM