1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

«ترهګر هندوستان له افغانستان څخه نه شي لیري کولای»

هندوستان ویلي دي چې په افغانستان کې د دغه هیواد پر اتباعو او ګټو باندې د طالبانو، القاعدې او لشکرطیبه په ګډون ترهګرو ډلو بریدونه، نوی دهلي دې ته نه شي اړولای چې د افغانستان د ولس له ملاتړ څخه لاس واخلي.

په جلال آباد ښار کې د هندوستان پر قنسلگري باندې د وروستي برید انځور

په جلال آباد ښار کې د هندوستان پر قنسلگري باندې د وروستي برید انځور

د ملګرو ملتونو له پاره د هندوستان د دایمي استازي مرستیال منجیف سینګ پوري، د پنجشنبې په ورځ وویل چې د طالبانو، القاعدې او لشکرې طیبه په ګډون د ترهګرو ډلو د له منځه وړلو له پاره کوټلو اقداماتو ته اړتیا شته.

پوري وویل چې «ډیر شمیر ترهگر بریدونه د القاعدې په مرسته د طالبانو له خوا» ترسره کیږي. AN OCT. 12, 2010 PHOTO RELEASED BY THE UNITED NATIONS. NO SALES. AP PROVIDES ACCESS TO THIS PUBLICLY DISTRIBUTED HANDOUT PHOTO TO BE USED ONLY TO ILLUSTRATE NEWS REPORTING OR COMMENTARY ON THE FACTS OR EVENTS DEPICTED IN THIS IMAGE. AP provides access to this publicly distributed HANDOUT photo to be used only to illustrate news reporting or commentary on the facts or events depicted in this image.

پوري وویل چې «ډیر شمیر ترهگر بریدونه د القاعدې په مرسته د طالبانو له خوا» ترسره کیږي.

پوري د افغانستان په ننگرهار ولایت کې د هندوستان پر قنسلگري باندې وروستي برید ته اشاره وکړه او ویې ویل چې هیواد یې پلان نه لري چې له افغانستان څخه ووځي. هغه زیاته کړه: «هندوستان له افغانستان څخه د وتلو پالیسي نه لري او د دغه شان بریدونه له کبله به پر شا نه شي. موږ دغه برید یوازې پر هندوستان باندې د برید په توگه نه وینو، بلکه هغه د افغانانو پر هغو هڅو باندې برید گڼو چې غواړي خپل ځان د اوږدو جگړو او شخړو له عواقبو وژغوري.»

ښاغلي پورې دغه خبرې د پنجشنبې په ورځ د ملگرو ملتونو د امنیت په شورا کې د افغانستان له پاره د دغه سازمان د ماموریت پر سر د بحثونو پر وخت وکړې.

په ننگرهار کې د هندوستان پر قونسلگري باندې په برید کې د لسو تنو ماشومانو په گډون ډیر شمیر ملکي افغانان ووژل شول. پوري وویل چې «ډیر شمیر ترهگر بریدونه د القاعدې په مرسته د طالبانو له خوا» ترسره کیږي. هغه روښانه کړه چې اوس هم د افغانستان امنیتي وضعیت د ترهگرو او افراطي ډلو د شتون له کبله «ډیر نازک» دی.

دغه هندي چارواکي همداراز په افغانستان کې د یوې هندۍ لیکوالې وژل یو «بې رحمانه» عمل وباله او ویې ویل چې دغې پېښې وښوله چې یو شمیر کسان د افغانستان پرمختگ نه شي ځغملای. پوري روښانه کړه چې اوس مهال افغانستان له یوه اقتصادي، سیاسي او امنیتي لیږد بهیر څخه د تیریدو په حال کې دی. هغه ټینگار وکړ چې د دغه بهیر په بریالیتوب کې د منلو وړ ولسمشریزو ټاکنو په لاره اچول کلیدي نقش لوبوي.

پوري وویل چې ۲۰۱۴ کال او راروانې ولسمشریزې ټاکنې د افغانستان له پاره ډیرې مهمې دي، او نوی دهلي به له کابل څخه خپل ملاتړ ته دوام ورکړي.

DW.COM