1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

بېنظير بوټو په يوه چاودنه کي تر سخټ ټپي کېدو وروسته سا ورکړه

د راولپنډۍ په ښارکي په يوې چاودني کي شاوخوا شل تنه وژل سوي او ډير نور ټپيان سوي دي.

بېنظير بوټو څو دقيقي د مخه په راولپنډۍ کي خپلو پلويانو ته تر وينا وروسته په يوه چاودنه کي تر ټپي کېدو ورسته سا ورکړه

بېنظير بوټو څو دقيقي د مخه په راولپنډۍ کي خپلو پلويانو ته تر وينا وروسته په يوه چاودنه کي تر ټپي کېدو ورسته سا ورکړه

د اسوشيټت پرس آژانس د عيني شاهدانو له قوله ليکي، چي چاودنه لږ وروسته تر هغي وينا وسه، چي د پاکستان پخوانۍ لومړۍ وزيري بېنظير بوټو په نوموړي ښار کي خپلو راټولو سوو ګوندي غړو ته کوله.

د اسوشيتت پرس يوه خبريال پخپله په لياقت باغ کي د انسانانو تيت سوي غړي ليدلي دي. د پوليسو يوه افسر عبدالکريم په ډاګه کړې، چي بېنظير بوټو د چاودني دمخه تللې وه خو وروستي خبرونه وايي چي بېنظير بوټو هم سخته ټپي سوې ده او روغتون ته د رسېدو سره سم يي ساورکړې ده.

د يو بل خبر د مخه د پاکستان د پخواني لومړي وزير نواز شريف د پلويانو په يوه لاريون کي څلور تنه ويشتل سوي دي.

د نواز شريف ګوند ددې وژونو پړه د مشرف پر پلويانو باندي وراچولې ده.

د مسلم ليګ ګوند داهم ويلي چي په دې حمله کي اوولس تنه نور زخمي سوي دي.

داسي معلوميږي چي د جنورۍ د مياشتي د اتمي نېټې ټاکني به د سختو بريدونو سره مخامخ وي.