1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

بېنظير بوټو پخپل کورکي نظر بنده سوه.

په پاکستان کي وضع لا پسي کړکېچنه سوې ده. د پيپلز مخالف گوند مشره بېنظير بوټو د نن ورځي له پاره اعلان سوو پراخو لاريونونو څخه مخکي په خپل کورکي نظر بنده سوه.

بېنظير بوټو د مشرف هغه وړانديز په ټينگه رد کړی دی چي وايي په راتلونکي کال کي دي ټاکني تر سره سي.

بېنظير بوټو د مشرف هغه وړانديز په ټينگه رد کړی دی چي وايي په راتلونکي کال کي دي ټاکني تر سره سي.

د مېرمن بوټو کور په پلازمېنه اسلام آباد کي د اغزن تار له لاري او د لسگونو تنو پوليسو لخوا محاصره سوی دی. د بوټو پلويانو ناخوښي څرگنده کړې او هغې ته نژدې کس ښاغلي بابر عوان زياته کړې چي دولت د هغې له شهرت څخه بېرېږي او غواړي چي د هغې وخلکو ته د وينا مخنيوی وکړي.
پوليسو ترمخه لا خبر ورکړی و چي پخوانۍ لومړۍ وزيره به په هيځ ډ ول ودې ته پرېنږدي چي د جمعې د ورځي پراخه غونډه را وغواړي.