1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

بين امللي وجهي صندوق په افريقا کښي څه کولای سي

دافريقايي هيواد تانزانيا په تجارتي ښار دارالسلام کي د بين امللي وجهي صندوق لخوا دافريقا داقتصاد په ارتباط يوه غونډه جوړېدونکې ده ...

په تانزانيا کښی د اقتصادي کنفرانس دپاره تياری

په تانزانيا کښی د اقتصادي کنفرانس دپاره تياری

دغه غونډه به د روانې مېلادي مياشتي مارچ په لسمه نېټه پېل سي ،او دوې ورځي به دوام وکړي . دغه غونډه به په افريقا کي دبدلون او اقتصادي پرمختيا په وړاندي ملګرتيا٬ تر نامه لاندي جوړه سي . د ملګرو ملتو د پخوانی سر منشي کوفي عنان تر څنګ به دبين امللي وجهي صندوق د ادارې مشر شټراوس کهان او د تنزانيا جمهوررييس جکايا کيکوېټه به هم په دغه غونډه کي ګډون ولري . دغي غونډې ته د افريقايي هيوادو د اقتصاد وزيران، اقتصاد پوهان د شخصي سکټور استازي او د مرکزي بانکونو مشران هم را دعوت سوي دي.

د افريقا دپاره د بين امللي وجهي صندوق مشره مېرمن انټويېنېټه سايېح چي پخوا د ليبېريا هيواد د اقتصادي چارو وزيره هم پاته سوې ده، ددغه غونډې دمقاصدو په هکله داسي وايي:

«د تانزانيا اقتصادي غونډه درې مهم هدفونه لري . لومړۍ مقصد دادی چي پردې خبري وسي چي په افريقا کي د ريفورم د لاس ته راوړنو څخه موږ بايد څه اخذنه وکړو. دوهمه مهمه خبره د بين امللي اقتصادي بحران او پر افريقا دهغه داغېزو څېړل دي . دريمه مهمه خبره په افريقا کي دننه د ملګرۍ او ګډ کار پروسې لا پياوړي کول دي.»

د بعضو نورو نړۍ واله اقتصادي موسسو تر څنګ بين امللي وجهي صندوق هم دا وايي چي تر څو لسيزو وروسته اول وار،د افريقا د رېګستان دهيوادو اقتصاد وده پېل کړېده . خو پر دغه خبره اختلافات هم سته ولي چي د بعضي افريقايي هيوادونو د انفلېش کچه ډېره جګه ده.

ددې تر څنګ په تېل توليدکوونکو افريقايي هيوادو لکه نايجېريا او انګولا کي اداري فساد او د حکومتي شته منيو څخه خرابه ګټه اخيستل يوه لويه ستونزه بلل کيږي . د مثال په ډول د انګولا حکومت تر اوسه پدې نه دی قادر سوی چي داثابته کړي چي په رشتيا هم د اداري فساد له منځه وړل غواړي . د اداري فساد پر ضد هغه کميسون هم تر اوسه نه دی جوړسوی ،د کوم غوښتنه چي د دغه هيواد پارلمان کوي .

د نايجېريا د هيواد په هکله هم داسي اندېښنې سته چي لوړ پوړي حکومتي چارواکو د اداري فساد په ترڅ کي دغه هيواد ته په مليارډونو ډالره تاوان رسولی دی.

ډيرافريقايي اقتصاد پوهان او اقتصادي ټولنې دا غوښتنه کوي چي بين امللي وجهي صندوق بايد د افريقا سره خپلې همکارۍ ته لا پراختيا ورکړي . د غربي افريقې اقتصادي ټولنه او د جنوبي افريقا د پرمختيا ټولنه هم دغه غوښتنه کوي، چي بين امللي وجهي صندوق بايد و افريقا ته لا ډيره توجه وکړي.

کارپوهان وايي چي د تيلو او خوراکي موادو په قيمتونو کي د لوړې کچې تغير د افريقايي هيوادو دپاره لوی مشکل رامنځ ته کولای سي . پوښتنه داده چي بين امللي وجهي صندوق پدې لړ کي د افريقا سره څه مرسته کولای سي . پدې هکله مېرمن سايېح وايي ،

« بين امللي وجهي صندوق د خوراکي موادو او د تيلو د قيمتونو د بحران سره د مقابلې په لړ کي ډېر کار کړی دی . د مثال په ډول تېر سپتمبر بين امللي وجهي صندوق د هغو مسکينو افريقايي هيوادونو د مرستې دپاره ګڼ شمېر اقدامات وکړه، کوم چي د تيلو او خوراکي توکو د قيمتونو د بحران له وجې تر فشار لاندي راغلي وه . ددې ترڅنګ بين امللي وجهي صندوق د افريقاسره د تخنيکي کومکو په لړ کي پراختيا ته دوام ورکړی دی.

د کارپوهانو په نظر د بين امللي اقتصادي بحران تر څنګ، بې کاري، اداري فساد او د اېډس ناروغي د افريقايي هيوادونو لوی پرابلمونه دي . اوس پوښتنه داده چي دغه اقتصادي کانفرانس به ددغه ستونزو د هوارولو دپاره څه وړانديزونه وکړي.