1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

بوش پر ايران باندي د اسراييلو د يوه بريد مخنيوی کړی دی

نيويارک ټايمس کاږي چي په 2008 ميلادي کال کي جورج بوش د اسراييلو هغه غوښتنه رد کړې چي پر ايران باندي د بريد له پاره دي اسراييلو ته لازمي سلاوي ورکړي

په عکس کښي دامريکا جمهوررييس جورج ډبليو بوش او داسراييلو صدراعظم ايهود اولمرت لیدل کيږي

په عکس کښي دامريکا جمهوررييس جورج ډبليو بوش او داسراييلو صدراعظم ايهود اولمرت لیدل کيږي

اسرايلو غوښتل چي په يوه ناڅاپي پوځي بريد سره د ايران د مځکي لاندي اټومي پوځي جوړښتونه له منځه يوسي .

د اسرايلو لومړي وزير ايهود اولمرت بوش ته ددې وړانديز کړي ؤ،چي د ده هيواد غواړي د ايران د مځکي لاندي پر اټومي جوړښتونو باندي يو بريد وکړي، او ددغه هدف له پاره اسراييليانو د امريکا دمتحده ايالتو څخه د داسي بمونو غوښتنه کړې وه چي سړی د مځکي لاندي پناګاوي ورباندي له منځه يوسي . خوکله چي بوش په دې هکله دخپلو لوړ پوړو همکارانو سره سلا مشورې کړي وې ، په تيره بيا ددفاع د وزير رابرت ګيتس سره، نو بوش ته يې قناعت ورکړی ؤ، چي بايد دا کار ونکي . ځکه چي هر ډول تيری او يرغل به ناوړي اغيزې ولري . بوش اسراييلو ته ددې اجازه هم نه و ه ورکړې چي دعراق د هوايي قلمرو څخه د عملياتو له پاره استفاده وکي . په دي کار سره به په دغه سيمه کي لانجې او دښمنۍ لاپسي ډيري سوي واي .

نيويارک ټايمز کاږي، چي ګيټس او نورو بوش ته ددې څخه خبرداری ورکړی ؤ چي که چيري اسراييل د ايران پراټومي تاسيساتو باندي بريد وکړي،نو ايران به نور نړيوالو څارنوکو ته اجازه ورنکړي چي ددغه هيواد داټومي تأسيساتو څارنه وکړي . د بلي خوا به داکار په عراق کي هم د امريکايي عسکرو له پاره نوي ستونزي له ځانه سره راوړي وای . خو بوش به په هغه صورت کي د اسراييلو دپټو عملياتو سره موافقه کړې وای چي که چيري ايران مثلاًً ديوه اټومي بم په جوړولولاس پوري کړی وای .

د تير کال دسپتمبر په مياشت کي د ګارډين انګليسۍ ورځپاڼي هم کښلي وه چي دمی دمياشتي په 14 نيټه ، بوش د اسرايلو د صدراعظم ايهود اولمرت سره په دوه په دوه خبرو کي د اسراييلو دا غوښتنه رد کړې وه چي غوښتل يې امريکا اسراييلو ته د مځکي لاندي تأسيساتو پر ضد بمونه ورکي،تر څو ورباندي د ايران اټومي جوړښتونه بمباري کړي .