1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

"بهرنۍ مرستي دي زموږ له لاري مصرف سي"

افغان حکومت وايي چي که بهرنۍ مرستي د دوی له لاري ولګول شي اغيزمنتوب به ئې لوړ او د ضايعاتو مخ نيول شوی وي. دغه غوښته افغان حکومت د څو کلونو راهيسي کوي.

دغه غوښتنه افغان حکومت د څو کلونو راهيسي کوي خو نړيوالو مرسته کوونکو لا تراوسه پوري په دې اړه څه نه دي ويلي.

د نړیوال شفافيت سازمان د راپور له مخي افغان حکومت تر اوسه لا په اداري فساد کي په نړيواله کچه تر صوماليا وروسته دوهم ځای لري.

د افغانستان د ماليې وزير عمر زاخيلوال په داسي حال کي د حکومت له لاري د ټولو بهرنيو مرستو د لګولو غوښتنه کوي چې يوازي تير کال په څو حکومتي ادارو کي د سوونو ميليونو ډالرو د تري تم کيدو خبر ورکړل شوی وو.

د لوی څارنوالۍ يوه ډله اوس پر هغه دوسيه کار کوي چې يوازي د ننګرهار له ګمرک څخه شاوخوا اته سوه ميليونه افغانۍ تري تم شوي دي.

د ماليي وزير وايي چي د امريکا په څير لوی مرستندويان يوازي پينځه سلنه خپلي مرستي د افغان حکومت له لاري په مصرف کوي. په داسي حال کي چي پاته ۹۵ برخه د بېلا بېلو ادارو په لاس مصرفیږی.

«ټولي هغه پيسې چي امريکا له افغانستان سره مرسته کړي دي ښايي تر ديرشو ميلياردو ډالرو پوري وي خو يوازي شاوخوا يو مليارد ئې د افغان حکومت له لاري لګول سوي دي».

د ولسي جرګې يو شمېرغړي هم د افغان دولت په لاس د بهرنيو مرستو د مصرفولو غوښتونکي دي. هغوی وايي په دې کار سره به د پروژو د اغيزمنتوب کچه لوړه شي او هم به د افغانانو کاري وړتيا لوړه شي.

د ولسي جرګې غړې شينکۍ کروخېل په دې اند ده چي حکومت بايد دا تضمين ورکړي چي نړيوالي مرستي به نه ضايع کيږي.

«په يوه شرط بايد دا پيسې د افغانستان د ملي بودجې له لاري ولګول شي چي حکومت بايد ځان د دغو پيسو تر مصرف وروسته حساب ورکوونکی وبولي نه دا چي هر څه چې کوي هغه به کوي».

خو ټاکل شوې ده چي د امريکا دولت به تر دې وروسته له افغانستان سره د خپلو مرستو ډيره برخه د حکومت له لاري مصرف کړي.

د ماليې وزير حضرت عمرزاخيلوال وايي چي په دغه برخه کي ئې د امريکا د سفير ژمنليک هم ترلاسه کړی دئ.

د يادولو وړ ده چي د هغو بهرنيو مرستو د مصرف له پاره چي د حکومت له لاري په مصرف رسيږي د بيا ودانولو يو صندوق جوړ سوی دئ چي مشري ئې افغانان کوي خو څارونکي ئې بهرنيان دي.

ميرويس جلالزی/ کابل
کتونکی: نجيب الله زيارمل