1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

بنگله دیش: اور لگیدنې ۱۲۰ تنه وژلي دي

د بنگله دېش هيواد په پلازمېني ډهاکه کې د جامو په يوه فابريکه کي د اورلگېدنې پيښي لږ تر لږه ۱۲۰ انسانان وژلي او تر ۲۰۰ څخه زيات يې ژوبل کړي دي. د اور وژنې عملې (اطفائیې) ويلي دي چي تر د ناڅرگندو عواملو پر اساس د څو پوړیزي فابريکې په لومړي پوړ کي اورلگېدلی چي وروسته نورو پوړونو ته هم رسېدلی وو.

زياته سوې ده چي په لومړي پوړ کي د اور لگېدلو وروسته د لوړو منزلونو کارگري ښځي او نارينه بند پاته سوي ول او تېښتي لاره يې نه درلوده. يو شمېر کارگرو د وارخطايي په حالت کي د لوړو منزولو د کړکيو څخه ځانونه راغورځېدلي دي. د جامو صنعت د بنگله دېش د اقتصاد لپاره يوه مهمه څانگه بلل کيږي. پدغه هيواد کي څه باندي ۴۰۰۰ د جامو فابريکې دي. په زياترو دغو فابريکو کي اړين امنيتي تدابير په پام کي نه نيول کيږي.