1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

سيمه

ایران او شمالي کوریا لا سره نزدې شول

ایران او شمالي کوریا په بېلابېلو برخو کې د همکاریو تړونونه لاسلیک کړي دي. ویل کیږي چې دواړه هیوادونه غواړي له دې تړونونو سره د غربي هیوادونو د فشارونو پر ضد په گډه مقاومت وکړي.

ایران او شمالي کوریا د شنبې په ورځ دغه تړونونه لاسلیک کړل. په دې ترڅ کې د ایران ولسمشر محمود احمدي نژاد، د شمالي کوریا له تشریفاتي مشر کیم یونگ نام، سره ولیدل. دغه خبري د ایران دولتي رسنیو خپرې کړي دي.

کیم ایران ته د ناپیلو هیوادونو په غونډه کې د گډون له پاره تللی وو. په ایراني رسنیو کې د احمدي نژاد په حواله راغلي دي: «د شمالي کوریا په څیر، امپرالیستانو پر ایران باندي هم سیاسي فشارونه زیات کړي دي. ځکه چې هغوی نه غواړي چې دغه دوه هیوادونه خپلواک پاته شي او پرمختګ وکړي.»

د ایران او کوریا تر منځ په لاسلیک شوو تړونونو کې د زده کوونکو د استولو پروگرامونه او په گډه پر څیړنیزو پروژو باندي کار کول هم شامل دي. دواړه هیوادونه به د انرژۍ، چاپیریال، کرهڼي او خوراکي توکو په برخو کې په گډه څېړني وکړي.

د ایران مذهبي مشر ایت الله خامنه ای، د کوریا تشریفاتي مشر کیم یونگ نام، ته ویلي دي چې دواړه هیوادونه گډ دښمنان لري او له دې کبله باید یو ځای شي چي د بهرنیو فشارونو پر وړاندي مقاومت وکړي او خپلو هدفونو ته ورسیږي.

آژانسونه/ مسعود جهش
کتونکی: سید ریاش