1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

ایتوپیا دوه تنه سویډني ژورنالېستان آزاد کړي دي

په ایتوپیا کې بندي دوه سویډني ژورنالېستان له زندان څخه آزاد کړای شوي او بخښل شوي دي. پر دغه دوو ژورنالېستانو له یاغیانو سره د مرستې تور پورې شوی وو. دغه دواړه خبریالان د ایتوپیا د گاونډي هیواد سومالیې څخه دغه هیواد ته د تیر کال د جولایي په میاشت کې ور اوښتي وو چې تر نیول کیدو بیا وروسته د ترهگرې څخه د ملاتړ په تور د ۱۱ کلونو په بند محکوم شول. دغه دواړه ژورنالېستان د ایتوپیا په سویل ختیځه برخه اوگاډین کې نیول شوي وو. زیاته شوې ده چې دغو کسانو د یوه شرکت په اړه پلټنې کولې چې د سویډن د تیلو له یوه شرکت سره ئې تړاو درلود.