1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

ايران برتانوي ماڼوگان خوشي کړل

د ايران ولسمشر محمود احمدي نژاد د پارس په خليج کې د نيول شويو برتانوي سمندري ځواکونو د خوشي کولو ژمنه کړې ده. دغه څوارلس تنه نارينه او يوه ښځه به د احمدي نژاد په وينا د ايران لخوا وبخښل او برتانيې ته انتقال شي.

د برتانيې سمندري ځواکونه د مارچ په درويشتمه نېټه د شط العرب سيند ته نژدې نيول شوي وو

د برتانيې سمندري ځواکونه د مارچ په درويشتمه نېټه د شط العرب سيند ته نژدې نيول شوي وو

ايراني چارواکي وايي چې نوموړي ماڼوگان به د پنج شنبې په ورځ خپل هېواد ته ستانه شي. د برتانيې حکومت له دې اعلان څخه هر کلی کړی دی. د برتانيې سمندري ځواکونه د مارچ په درويشتمه نېټه د شط العرب سيند ته نژدې په دې تور ونيول شول، چې گواکې د ايران له سمندري پولو څخه يې سرغړونه کړې وه. برتانيا په دې ټينگار کوي چې ماڼوگان يې د عراق په خاوره کې وو.