1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

اوباما غواړي د بانکونو صلاحيتونو محدود کړي

اوباما د پنج شنبې په ورځ په واشنگټن کې د بانکونو په اړه شکايت وکړ ځکه چې په مالي بازارونو کې د اصلاحاتو په وړاندې يې مخالفيت ښکاره کړی و.

د امريکا ولسمشر بارک اوباما

د امريکا ولسمشر بارک اوباما

که دغه خلک جگړه غواړي، نو زه هم حاضر يم.»

اوباما نيوکې وکړې ځکه چې بانکونه لا د اصلي مالي بحران د وخت په څېر فعاليت کوي. اوباما زياته کړه چې د بانکونو کارکونکي بې حده ډېر معاشونه اخلي:

«زما اراده لا پسې ټينگيږي، کله چې گورم چې بانکونه ډېره گټه کوي او د بونوس معاشونه ورکوي، خو وړو شرکتونو ته همېشه وايي چې قرضونه نه شي ورته برابرولی».

خو د اوباما په اند همدغه کار د بانکونو اصلي دنده ده. تر څو مالي بازارونو ته متوجه خطرونه کم کړي، اوباما غواړي چې د زياتو بونوس معاشونو امکانات پسې محدود کړي.

«بانکونو ته به اجازه نه ورکول کيږي، چې هيچ فوندس او د شخصي ونډو صندوقونه ولري او يا ورڅخه گټه واخلي او هغوی به پخپله تجارت هم نه کوي».

له يوې خوا اوباما غواړي د دې مخه ونيسي چې د بانکونو علايق د مشتريانو له علاقو سره په ټکر کې راشي. له بلې خوا دی هم غواړي د دې مخنيوی وکي چې بانکونه په ښو شرايطو د قر‍ضونو د لارې تر لاسه کړې پيسې چې له مرکزي بانکونو څخه يې اخلي، د مالي قمار په برخه کې ولگوي.

خو اوباما نه غواړي چې د معاملاتي بانکونو او د پانگې اچونې د بانکونو مطلق بېلوالی رامنځته کړي. دغه بېلتون د امريکا په متحده آيالتونو کې د اقتصادي رکود په کالونو کې رامنځه شوی او په نهه نوي يم م کال کې بېرته د منځه وړل شوی و.

اوسني نوي وړاندې شوي مقررات د مالي بازارونو دپاره د هر اړخيزو هلو ځلو په لړ کې راځي. په داسې حال کې چې د اوباما اداره دا مهال پر بانکونو باندې د نويو محدوديتونو د لگولو وړانديز کوي، نوموړي بانکونه ورباندې لا پسې زياتې نيوکې کوي. ايدوارد هېديس چې رويترس برېکينگ فيوس پورې اړه لري، تر ټولو مهم متقابل نظر څرگندوي:

«که امريکايي بانکونه د اروپايي او نورو سيالو بانکونو په پرتله لا پسې ټينگ مقررات ولري، نو دا هغوی ته نقص رسوي».

Paulert, Rüdiger/ نسيم صابر

کتونکی. زيارمل