1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

اوباما: د سفیر د وژل کیدو په برخه کې به عدالت وشي

ولسمشر اوباما ویلي دي چې لیبیا ته امریکا د سفیر او درې نورو امریکایانو د وژل کیدو په پېښه کې به عدالت وکړي.

لیبیا ته د امریکا سفیر او درې تنه نور امریکایان په بن غازي کې د سه شنبې په شپه ووژل شول.

تر دې پېښې وروسته په بن غازي کې د امریکا د سفارت نور کارکوونکي له هغه ځایه څخه راایستل شوي دي.

امریکا په سیمه کې په خپلو نورو ټولو سفارتخانو کې امنیتي تدابیر گړندي کړي دي.

د ملگرو ملتونو سرمنشي او د امنیت شورا په لیبیا کې د امریکا د سفیر وژل کیدل غندلي دي.

پر دې سربیره د امریکا د بهرنیو چارو وزیرې هم دغه پېښه په کلکو ټکو غندلې ده.